web counter
LEXO PA REKLAMA!

SHKARKO APP

App Store
Google Play

E fundit!

x

Mbyllet merkato/ Manchesteri “burgos” Ronaldon, Interi mund PSG-në për Skriniar! Ja të gjitha lëvizjet "big"

2 Shtator 2022, 00:25, Sport CNA

Merkato ka përfunduar, teksa skuadrat kanë bërë lëvizjet e nevojshme. Ndryshe nga ajo që pritej, në ditën e fundit të dritares së transferimeve munguan surprizat.

Shumë zhurmë për asgjë. Cristiano Ronaldo do të qëndrojë te Manchester United. Sulmuesi portugez kërkonte prej muajsh divorcin me “Djajtë e Kuq”, shumë skuadra ishin në garë për shërbimet e tij, por në fund klubi vendosi ta mbajë.

Nuk mund të thuhet asgjë me 100%. Përse? Sepse merkatoja në Turqi është e hapur deri në 8 shtator dhe siç raportohet nga mediat turke, ylli CR7 mund të transferohet te Superliga e këti vendi.

Edhe Chelsea ka gjetur sulmuesin e shumëkërkuar. Në Londër ka zbarkuar Pierre Emerick Aubameyang dhe mungon vetëm zyrtarizimi si futbollist i Bluve.

Inter mund PSG për Skriniar. Zikaltërit rezistojnë dhe nuk shesin mbrojtësin.

PSG godet në merkato. Parisienët kanë firmosur me Carlos Soler, mesfushor që vjen nga Valencia.Soler ka nënshkruar një kontratë të vlefshme deri në vitin 2027.

E bujshme nga Spanja: siç raportohet nga Mundo Deportivo Atlético Madrid dhe Barcelona janë duke negociuar shitjen e Alvaro Moratas te klubi blaugrana.

Mesfushori brazilian Arthur është një lojtar i ri i Liverpoolit: Tashmë mungon vetëm njoftimi zyrtar, në fakt së fundmi ka mbërritur edhe nënshkrimi i kontratës që do ta lidhë atë me Reds.

Në orët e fundit të merkatos së transferimeve, Roma arriti të zgjidhë largimin e Justin Kluivert. Pas dështimit për të kaluar te Fulham, për shkak të një leje pune të refuzuar nga FA, holandezi u përfshi në listën e skuadrës së Romës për takimin e  radhës, por e ardhmja e tij është shumë larg kryeqytetit. Valencia arriti të gjente një marrëveshje për ta sjellë në ekipin e Gattusos.

Tashmë ka ardhur zyrtarizimi. Milan ka firmosur me mbrojtësin e Barcelonës, Sergino Dest. Formula e transferimit është huazim me të drejtë blerje.

Cristiano Ronaldo ka qenë një nga çështjet më të përfolura gatë gjithë merkatos së verës. Sulmuesi portugez shprehu pakënaqësinë e tij për situatën në klub, duke lënë të kuptohet se dëshiron të ndërrojë destinacion.

Diçka të tillë e konfirmuan edhe vetë veprimet e tij, sakaq la edhe stadiumin në pjesën e parë gjatë një ndeshje.Pak më parë janë publikuar edhe formacionet zyrtare të ndeshjes Leicester-Manchester United, ku Ronaldo është preferuar në stol. Kjo bën që gjasat të jenë të mëdha për qëndrimin.

Francesco Acerbi është një lojtar i ri i Interit: Simone Inzaghi më në fund ka përforcimin që i duhej. Nëpërmjet faqes zyrtare të Lega Serie A mësojmë se operacioni është mbyllur në formë huazimi, ashtu siç pritej.

Denis Zakaria mund të largohet nga Juventusi në orët e fundit të merkatos Për mesfushorin, i cili mbërriti në Torino janarin e kaluar, në fakt ka interesim nga Chelsea, i cili ka propozuar një huazim me të drejtë blerje.

De Jong nuk largohet nga Barcelona.Fabrizio Romano njoftoi se lojtari nuk ka ndryshuar kurrë mendje dhe do të qëndrojë në Spanjë, ku do të luftojë për vendin e tij te Barcelona.As Manchester United dhe as Chelsea nuk bindën dot lojtarin dhe klubin.

Manchester United ka zyrtarizuar ardhjen në huazim me detyrim blerje nga Newcastle të portierit Martin Dubravka. Ai do të jetë zëvendësues i David de Geas.

Sa më shumë minutat kalojnë, aq më shumë bien mundësitë e një largimi të mundshëm të Ronaldos nga Manchester United. Mediat angleze mësojnë së fundmi se sulmuesi portugez ka udhëtuar me “djajtë e kuq” për sfidën ndaj Leister.

Keilor Navas nuk do kalojë te Napoli. Portieri i njohur do të qëndrojë te PSG, sipas asaj që shkruan Le Parisien.

Francesco Acerbi përfundoi pak minuta më parë ekzaminimet mjekësore me Interin. Tashmë mbrojtësi i ardhur nga Lazio do të shkojë të firmosë me klubin zikaltër, përpara se të vijë njoftimi zyrtar.

Rafael Leao nuk largohet nga Milan. AS ka zbuluar një prapaskenë të merkatos, teksa shkruan se pas sulmuesit kuqezi ishte vendosur Chelsea.

Blutë e Londrës kishin ofruar javën e kaluar 100 milionë euro për shërbimet e futbollistit. Përgjigja e kampionëve të Italisë ishte e prerë: Jo. Milan nuk pranoi të privohej nga shërbimet e lojtarit, pasi e ka pjesë të projektit.

C.Ronaldo është emri i fundit i madh i mbetur pezull në këtë merkato vere. E ardhmja e tij është ende e paqartë, në një kohë kur agjenti Jorge Mendes po lëviz çdo gurë për ti gjetur një skuadër të re që luan në Champions League.

Nga Anglia shkruajnë se Mendes i ka ofruar Milanit shërbimet e tij, ndërsa nga Spanja bëjnë me dije se Napoli mbetet një pistë e hapur. Pavarësisht zërave, një ditë me parë trajneri Ten Hag u shpreh se Ronaldo bën pjesë në planet e Man.United ndërsa këtë të enjte, sipas Sky Sports, Ten Hag e ka përfshirë në listën e lojtarëve të grumbulluar për ndeshjen kundër Leicester. E sigurt është se për Ronaldo-n do të dëgjojmë deri në sekondat e fundit të merkatos, deri në orën 20:00.

Më në fund, Chelsea dhe Barcelona arrijnë të gjetur akordin total për shkëmbimin e dy lojtarëve. Pierre Aubameyang transferohet në Londër si një kërkesë specifike e trajnerit Tuchel. Sulmuesi nga Gaboni do të fluturojë drejt Londrës rreth orës 17:00.

Aubameyang do të firmos një kontratë 2-vjeçare me opsion rinovimi për një tjetër vit. Në të njëjtën kohë, Alonso ndodhet në Spanjë ku do ti nënshtrohet testeve mjekësore, Alonso do të firmos një kontratë 3-vjeçare.

Sergino Desrt ishte lëvizja e fundit surprizë e vënë në jetë nga Milan. Ish futbollisti i Barcelonës arriti akordin me “djallin” ndërsa në këto momente po kryen vizitat mjekësore.

Nga Milano mund të largohet në këto orë Bakayoko, ideja e fundit është për një transferim te Nica.

Në zyrat e klubit po qarkullon fuqishëm edhe emri i Pulisic, sulmuesi i Chelsea mund të vishet kuqezi, të paktën kështu shpresojnë tifozët e Milan.

Në shtëpinë e Juves është koha dita e Parades. Mesfushori argjentinas ishte i pranishëm një ditë më parë në Stadium ku ndoqi live ekipin e tij të ri. Parades iu nënshtrua vizitave mjekësorë këtë të mërkurë.

Nga Torino në këto orë të fundit është larguar Arthur. Mesfushori është nisur me destinacion Liverpool. Braziliani kalon në formë huazimi.

Këtë të mërkurë Man.United ka bëre zyrtare afrimin e Antony. Sulmuesi brazilian i kushtoi djajve të kuq 100 milionë euro ndërsa ka firmosur një kontratë deri në 2027

Man.City ka bërë zyrtare afrimin e Manuel Akanji. Mbrojtësi vjen nga B.Dortmund duke firmosur me qytetarët një kontratë deri më 30 qershor 2027.





Lajmet e fundit nga