web counter
LEXO PA REKLAMA!

SHKARKO APP

App Store
Google Play

Kritika për Igli Taren: Një drejtor sportiv nuk bën deklarata të tilla

3 Shtator 2025, 15:12, Sport CNA

Kritika për Igli Taren: Një drejtor sportiv nuk bën deklarata

Santiago Gimenez do të jetë qendërsulmuesi i Milan-it për sezonin 2025/26, por gjatë verës e ardhmja e tij ishte shpesh në dyshim.

Pas vështirësive të muajve të parë me trajnerin Conceiçao, u përfol për një shkëmbim me Romën që do të sillte Dovbyk në “San Siro”.

Deklaratat publike të drejtorit sportiv Igli Tare para ndeshjes me Lecce-n krijuan shumë konfuzion, pasi u konfirmua se opsioni ishte real. Babai i lojtarit, Christian Gimenez, pranoi se familja e mori vesh për situatën nga mediat dhe mbeti e habitur nga mënyra si u menaxhua çështja. Sipas tij, gjithçka u vendos në takimin mes Tares, Furlanit dhe Ibrahimovic, i cili pati rol vendimtar që sulmuesi të mbetej në Milano.

“Gjatë orëve të fundit të merkatos dëgjuam shumë thashetheme. Para ndeshjes me Lecce-n, drejtori sportiv doli dhe tha të njëjtat gjëra. Aty kuptuam se çfarë po ndodhte. Ai ishte titullar, por ata donin ta shisnin. Ne nuk e kuptuam, ishte shumë konfuze. Një drejtor sportiv rrallë bën deklarata të tilla. Ishte mundësia për një shkëmbim, por lojtari nuk u kontaktua kurrë.

Më pas, Tare, Furlani dhe Ibrahimovic u takuan dhe vendosën që ai të qëndronte. Megjithatë, pasi dëgjuam fjalët e drejtorit sportiv në Lecce, ishte e vështirë, sepse nuk patëm kohë të kuptonim se çfarë po ndodhte në të vërtetë.

Jemi të lumtur që ai është ende te Milan-i. Trajneri dhe drejtori sportiv, të sapoardhur, dyshuan në aftësitë e tij. Ata do ta njohin duke e stërvitur atë dhe duket punuar me të. Mendoj se e gjithë kjo do të ndihmojë në nxjerrjen e bishës që ka brenda tij. Do të ketë një sezon të shkëlqyer”, tha Christian Gimenez.

Meksikani synon ta kthejë këtë episod në motivim personal, për të treguar vlerat e tij në sezonin e ri. Në prag të Botërorit që do të zhvillohet edhe në Meksikë, sulmuesi 24-vjeçar është i vendosur të luftojë për një vend titullari.

 

 





Lajmet e fundit nga