E fundit!

22:50 Kronika

Në kërkim pasi favorizoi ndërtimet pa leje, dorëzohet ish-shefi i policisë Sarandë

Mbrëmjen e sotme është dorëzuar në policinë e Sarandës, is...

Mbyllet merkato, mësoni të gjitha lëvizjet. Dështon Guehi te Liverpool, Bayern gjen sulmues

1 Shtator 2025, 21:13, Sport CNA

Mbyllet merkato, mësoni të gjitha lëvizjet. Dështon Guehi te

Merkatoja e verës në kampionatet kryesore europiane ka ulur zyrtarisht siparin, duke lënë pas një periudhë intensive lëvizjesh dhe tratativash, të cilat u përqendruan kryesisht në orët e fundit. Disa prej transferimeve të planifikuara u realizuan me sukses, ndërsa disa të tjera u ndërprenë në momentet e fundit, duke ndryshuar skemat e shumë skuadrave.

Rasti më i përfolur ishte ai i mbrojtësit anglez Marc Guehi. Futbollisti kreu vizitat mjekësore me Liverpool dhe gjithçka dukej e mbyllur, por Crystal Palace vendosi të bllokonte kalimin e tij, pasi nuk gjeti dot një zëvendësues të denjë për repartin e mbrojtjes. Kështu, transferimi u anulua, dhe lojtari mbeti në Londër.

Liverpool megjithatë nuk doli pa përforcime. Klubi i drejtuar nga Arne Slot kompletoi një afrim të bujshëm, duke transferuar sulmuesin suedez Aleksander Isak nga Neëcastle për shifrën e lartë prej 150 milionë eurosh, e cila është një nga blerjet më të rëndësishme të kësaj merkatoje.

Në Gjermani, Bayer Leverkusen humbi sulmuesin Viktor Boniface, i cili do të vijojë karrierën te Ëerder Bremen. Lojtari ishte pranë kalimit te Milani, madje kreu edhe vizitat mjekësore, por drejtuesit e klubit kuqezi vendosën të tërhiqen nga marrëveshja.

Në Spanjë, Real Betis përfitoi nga situata e Antoni. Sulmuesi brazilian, i cili sezonin e kaluar ishte i huazuar nga Manchester United, tashmë është transferuar përfundimisht në Andaluzi, duke u bërë pjesë e skuadrës si blerja e re. Nga radhët e “Djajve të Kuq” u largua edhe Rasmus Hojlund. Sulmuesi danez kaloi në Itali, ku do të luajë me Napolin në formë huazimi për këtë sezon.

Një tjetër lëvizje e rëndësishme u regjistrua në Londër. Fulham siguroi shërbimet e sulmuesit Samuel Chukëueze nga Milani, në huazim me të drejtë blerjeje. Nga kuqezinjtë u largua gjithashtu edhe mesfushori amerikan Yunus Musah, i cili firmosi për Atalantën. Në të njëjtën kohë, Interi humbi Pavard-in, i cili u rikthye në Francë për t’u bashkuar me Marseille.

Në Bundesligë, Bayern Munich më në fund zgjidhi problemin e repartit ofensiv, duke arritur marrëveshje me Chelsea për sulmuesin Nicolas Jackson. Transferimi u realizua në formë huazimi, me detyrim blerjeje në fund të sezonit. Ndërkohë, Chelsea e zëvendësoi atë me një mesfushor të ri, duke marrë Buonanoten nga Brighton në formë huazimi për një sezon.

Edhe klubet italiane qenë aktive në këtë fund merkatoje. Interi përforcoi mbrojtjen me Manuel Akanji, ndërsa Milani zyrtarizoi afrimet e mesfushorit Adrien Rabiot dhe mbrojtësit David Odogu. Juventusi, nga ana e tij, arriti marrëveshje për afrimin Edon Zhegrovës nga Lila dhe sulmuesit belg Lois Openda nga Leipzig, ndërkohë që vendosi të largojë sulmuesin Niko Gonzalez, i cili do të luajë me Atletiko Madrid.

Kështu, merkatoja e verës mbyllet me shumë lëvizje të rëndësishme në të gjitha kampionatet kryesore, duke sjellë ndryshime të dukshme në përbërjet e skuadrave.