web counter
LEXO PA REKLAMA!

SHKARKO APP

App Store
Google Play

Refuzoi Milanin, Akanji “thumbon” rivalët: Jam te klubi më i madh italian

2 Shtator 2025, 16:22, Sport CNA

Refuzoi Milanin, Akanji “thumbon” rivalët: Jam te klubi më

Interi ka prezantuar afrimin e fundit të merkatos, mbrojtësin zviceran Manuel Akanji, i transferuar nga Manchester City.

29-vjeçari me origjinë nga Zvicra mbërrin në Serinë A pas disa sezoneve të rëndësishme në Premier Ligë, ku ishte pjesë e një prej skuadrave më të forta të kontinentit. Para se të luante me Sitin, ai spikati në Bundesligë me Borussia Dortmund, ndërsa është një titullar i rregullt edhe me përfaqësuesen zvicerane.

Në prezantimin e tij, Akanji u shfaq shumë i lumtur, ndërsa fjalët e tij janë interpretuar edhe si thumbime për rivalët.

Mbrojtësi refuzoi Milanin para se të transferohej te zikaltërit, ndërsa në fjalët e tij theksoi se Interi është skuadra më e madhe në Itali.

Zvicerani theksoi se është i gatshëm të përshtatet me kërkesat e trajnerit Chivu, pasi mund të aktivizohet si qendërmbrojtës, por edhe në krahët e repartit defensiv, një cilësi që e bën një lojtar të vlefshëm për strukturën e skuadrës.

“Për mua Interi është klubi më i madh në Itali dhe një nga më të mëdhenjtë në botë. Këtë e kanë vërtetuar gjatë viteve të fundit. Ishte shumë e lehtë për të zgjedhur këtë klub.

Mund të luaj në çdo pozicion në mbrojtjen me tre lojtarë. Jam gati të luaj në çdo pozicion, ku të më vendosë trajneri.

Interi ka treguar se mund të arrijë në finale të mëdha. Shpresoj që të arrijmë sërish dhe këtë herë të fitojmë.

Serie A është ndryshe nga Premier Ligë. Madje edhe Bundesliga ishte ndryshe. Kam parë shumë ndeshje të kampionatit italian. I njoh ekipet. Më pëlqen shumë kjo ligë dhe kjo është një nga arsyet përse jam këtu”, deklaroi Akanji.

Mbrojtësi kaloi te Interi në huazim për 2 milionë euro, me mundësi blerje në fund të sezonit për 15 milionë euro.

 

 





Lajmet e fundit nga