web counter
LEXO PA REKLAMA!

SHKARKO APP

App Store
Google Play

E fundit!

x

Kombëtarja nis grumbullimin, Hysaj: Botërori ëndërr nga fëmijëria, të kalojmë Poloninë

23 Mars 2026, 11:30, Sport CNA

Kombëtarja nis grumbullimin, Hysaj: Botërori ëndërr nga

Kombëtarja shqiptare ka nisur grumbullimin për ndeshjet e “play off”-it të Botërorit.

Në konferencë për mediat foli Elseid Hysaj, i cili u shpreh se pavarësisht minutave të pakta në ekip, situata në Kombëtare është ndryshe.

Mbrojtësi i djathtë beson te Botërori, për të cilin tha se është ëndërr nga fëmijëria, ndërsa vlerësoi edhe Poloninë, kundërshtarin e parë në “play off”.

“Është e vërtetë që nuk kam pasur minutazh, por kur vjen në Kombëtare është një ndjesi tjetër, si një punë tjetër që do e bësh dhe do bësh maksimumin. Nëse do kem 60 minuta do jap më të mirën time dhe pastaj do dal, do ia lëshoj vendin dikujt tjetër, jemi të gjithë të disponueshëm për Kombëtaren. Është një ndeshje e vështirë, Polonia është një skuadër e fortë, me shumë emra, ka treguar që ka kualitet, por tani kemi rastin e vetëm që mund të na çojë në Botëror, është një mundësi e vetme, të gjithë jemi të kënaqur që kemi arritur 'play off'-in, do japim maksimumin. Jemi pak pa fat se herët e tjera kanë kaluar skuadrat e para dhe e dyta në Botëror, por tani e kemi në dorë ne, që duam të shkojmë atje, e kemi treguar që duam t'i falim Shqipërisë një Botëror të bukur.

 


Ka dy vite që ndoshta kam pasur çalime aty ku luaj në skuadrën time, por pjesa e Kombëtares është diçka tjetër që kam bërë maksimumin, kam luajtur dhe kur kam ndenjur në pankinë i kam mbështetur nga jashtë. Kjo puna e minutazhit është pak mërzitje atje, por është krenari e madhe që do të luaj një ndeshje 'play off'-i me Kombëtaren.

Ndeshja me Poloninë që kemi luajtur ka qenë shumë e bukur, nëse luajmë mirë bashkë, edhe unë do të luaj mirë, do të bëj më të mirën time. Mungesat janë të rënda se Manaj dhe Daku janë të rëndësishëm, kur janë ata në fushë, kemi ndihmë më të madhe për të bërë gol dhe për avancuar, kur mungojnë disa është një mundësi për të tjerët që të tregojnë se e meritojnë të thirren në Kombëtare. Këtu është diçka e madhe, respekt për ata që do vijnë dhe ata që mungojnë, kemi një trajner shumë të mirë që do të dijë ç'të bëjë.

Kjo është një ëndërr që kur kam qenë i vogël, kur bën dy Europiane kërkon edhe Botërorin. Ndonjëherë realizohen ndonjëherë jo, por unë kam besim shumë të madh, këtë mundësi kemi, është një ndeshje teke, është e vështirë, ne shkojmë për fitore. Nëse do luanim në shtëpinë tonë do të ishte më mirë, të gjithë jemi gati, një derë kemi për të kaluar, nëse s'e kalojmë do të kthehemi mbrapsht, do të qajmë, ç'do të bëjmë.

 

Ishalla kalojmë Poloninë njëherë, po fitove nuk mund të gëzohesh, se kemi dhe ndeshjen tjetër. Nëse kalojmë Poloninë, kemi ndeshjen e jetës. Do e bëjmë me zemër siç kemi bërë çdo ndeshje tjetër dhe do bëjmë krenar sa më shumë shqiptarë”, deklaroi ai.





Lajmet e fundit nga