web counter
LEXO PA REKLAMA!

SHKARKO APP

App Store
Google Play

Java e fundit është “zjarr”, mësoni ndeshjet dhe oraret në Kategorinë e Parë

1 Maj 2026, 14:44, Sport CNA

Java e fundit është “zjarr”, mësoni ndeshjet dhe

Më 3 dhe 4 maj do të zhvillohet java e fundit e Kategorisë së Parë, duke përmbyllur një edicion të mbushur me rivalitet, emocione dhe nivel të lartë gare.

Pesë ndeshje do të luhen të dielën në orën 15:00, ndërsa të hënën në orën 17:00 do të zhvillohet sfida përmbyllëse mes Skënderbeut dhe Laçit, ku do të dorëzohet edhe trofeu i kampionit.

Të dyja skuadrat kanë siguruar tashmë ngjitjen në Superiore për sezonin e ardhshëm dhe përballja direkte mes tyre do të vendosë ekipin kampion të Kategorisë së Parë.

Ndërkohë, gara për mbijetesën mbetet plotësisht e hapur dhe pritet të ofrojë emocione deri në minutat e fundit. Dy ndeshje me rëndësi të veçantë do të zhvillohen në Kukës dhe Fier. Kukësi do të përballet me Besën, ndërsa Apolonia do të presë Burrelin, në sfida ku rezultati është jetik për objektivat e skuadrave.

Apolonia renditet në vendin e parafundit dhe synon pikët maksimale, duke shpresuar edhe në një hap fals të Kukësit për të mbajtur gjallë shanset për qëndrim në kategori. Nga ana tjetër, Kukësi nuk ka hapësirë për gabime, pasi çdo rezultat negativ mund të ndikojë drejtpërdrejt në fatin e skuadrës.

Java e fundit është “zjarr”, mësoni ndeshjet dhe

Kjo javë do të përcaktojë gjithashtu edhe skuadrën e dytë që do të luajë në play-out, përveç Luftëtarit. Gjirokastritët do të përballen me Pogradecin në një tjetër ndeshje me peshë.

Në takimet e tjera, Korabi do të luajë ndaj Ilirisë, ndërsa Lushnja, që mban vendin e fundit në renditje, do të përballet me Kastriotin.





Lajmet e fundit nga