web counter
LEXO PA REKLAMA!

SHKARKO APP

App Store
Google Play

Broja “tremb” Kombëtaren, Silvinjo ngre dyshime: Nuk e di ende gjendjen

21 Mars 2026, 12:07, Sport CNA

Broja “tremb” Kombëtaren, Silvinjo ngre dyshime: Nuk e di ende

Trajneri i Kombëtares shqiptare, Silvinjo, foli në konferencë në prag të ndeshjeve të fazës "play-off" për kualifikueset e Botërorit.

Gjatë deklaratës së tij, tekniku brazilian theksoi se ende nuk ka një informacion të saktë për gjendjen fizike të sulmuesit Armando Broja. Ai u shpreh se vlerësimi përfundimtar për lojtarin e Burnley do të bëhet vetëm pas mbërritjes së tij në grumbullimin e kuqezinjve.

Për shkak të mungesave në sulm, Silvinjo ka përzgjedhur lojtarë si Ernest Muçi dhe Anis Mehmeti, duke vlerësuar aftësitë e tyre për të gjetur rrjetën. Trajneri nënvizoi se Muçi do të konsiderohet si një opsion ofensiv, ndërsa Mehmeti shihet si një lojtar krahu që është përmirësuar ndjeshëm.

“Nuk duhet të qahemi. Të shohim përpara. Kam besim te lojtarët që kam grumbulluar. Për këtë kemi menduar prej kohësh. Duhet të përshtatemi me situatën. Muçin e shoh si sulmues. Në fushë, ai është një lojtar që shënon, e gjen portën, ka tipare ofensive dhe më pak defensive. Mehmetin e kemi sjellë ne në Kombëtare. Është një lojtar që gjatë këtyre viteve është rritur dhe përmirësuar shumë. Unë e shoh si lojtar krahu. Të dy janë lojtarë që e gjejnë portën. Kur nuk ke sulmues të mirëfillte, duhet të gjesh lojtarë që shënojnë. Lojtari që ka shënuar më shumë në Kombëtare gjatë këtyre viteve, është Nedim Bajrami, pas tij Asani dhe Asllani. Jo domosdoshmërish duhet një sulmues 9. Janë lojtarë që mund të bëjnë mirë.

Kemi kohë që jemi pas Pilo. Aliji ka pasur një ndërhyrje kirurgjikale dhe ka bërë mirë me Kombëtaren. Duhet ta shikojmë dhe ta vlerësojmë. E shoh si mundësi që iu jepet lojtarëve.

Sa i përket Brojës si sulmues qendre. Ka kohë jashtë. Nuk e di ende. E lidh me vlerësimin që duhet të bëjmë. Nuk e di gjendjen ende. Do i vlerësojmë kur të vijnë në grumbullim. Është e rëndësishme që në fushë të hyjnë ata lojtarë që të vënë kundërshtarin në vështirësi. Edhe ata që futen nga stoli, mund të bëjnë diferencën", deklaroi Silvinjo. 





Lajmet e fundit nga