web counter
LEXO PA REKLAMA!

SHKARKO APP

App Store
Google Play

Zbulohen “specialistët” në Policinë e Pogradecit/ Detajet nga mega-operacioni ku kanë shkëlqyer

16 Nëntor 2022, 10:12, Kronika CNA

Zbulohen “specialistët” në Policinë e Pogradecit/

Të blesh naftë me paratë e tua, për veten, për një familjar tëndin, në një vend kufitar, quhesh kriminel dhe kontrabandues.

Edhe një bidon me naftë po të blesh në Maqedoni, aty ku është më lirë se në Shqipëri, të hetojnë për kontrabandë.

Disa “specialistë” nga policia e Pogradecit, madje po të konstatuan se e ke serbatorin e makinës, të mbushur plot me karburant, nuk të falin.

Janë goxha “specialistë” që lum policia që i ka dhe lum ne që i paguajmë me taksat tona.

Këta “specialistët”, siç thotë njoftimi për media, kanë çuar për ndjekje penale një 54 vjeçar nga Pogradeci, të cilit i kanë gjetur naftë në një pronë të tij.

Nuk thuhet se sa litra naftë për të mos dalë bllof policia, dhe për ta shitur si sukses, por tashmë atij 54 vjeçarit i duhet të bredhë dyerve të drejtësisë, për shkak të “specialistëve” të dështuar të Policisë.

“Po nga këta specialistë u referuan materialet në Prokurori dhe filloi procedimi penal për shtetasin K. L., 54 vjeç, banues në Pogradec, për veprën penale "Kontrabanda me mallra për të cilat paguhet akcizë", pasi gjatë kontrollit të ushtruar nga shërbimet e Policisë, në një magazinë në pronësi të tij, në lagjen nr.5,  Pogradec, u gjet një sasi nafte, e dyshuar e kontrabanduar”, thuhet në njoftimin për media./CNA.al





Lajmet e fundit nga