web counter
LEXO PA REKLAMA!

SHKARKO APP

App Store
Google Play

E fundit!

x

Netanyahu: Sulmi ndaj Iranit, për largimin e regjimit si kërcënim ekzistencial

28 Shkurt 2026, 09:46, Kosova & Bota CNA

Netanyahu: Sulmi ndaj Iranit, për largimin e regjimit si kërcënim

Kryeministri i Izraelit, Benjamin Netanyahu, ka reaguar pak minuta më parë lidhur me sulmet ndaj Iranit.

Përmes një deklarate, Netanyahu shprehet se ka thënë se sulmet synojnë të largojnë një kërcënim ekzistencial dhe se veprimi i përbashkët nga Izraeli dhe SHBA-ja do të krijojë kushtet që populli i guximshëm iranian të marrë fatin e tij në duart e veta.

Deklarata e plotë:

Vëllezërit dhe motrat e mia, qytetarë të Izraelit, pak kohë më parë, Izraeli dhe Shtetet e Bashkuara nisën një operacion për të larguar kërcënimin ekzistencial të paraqitur nga regjimi terrorist në Iran.

Falënderoj mikun tonë të madh, Presidentin Donald Trump, për udhëheqjen e tij historike. Për 47 vjet, regjimi i Ajatollahëve ka bërtitur 'Vdekje Izraelit', 'Vdekje Amerikës'.

Ka derdhur gjakun tonë, ka vrarë shumë amerikanë dhe ka masakruar popullin e vet. Ky regjim terrorist vrasës nuk duhet të jetë i armatosur me armë bërthamore që do ta lejonin të kërcënonte të gjithë njerëzimin. Veprimi ynë i përbashkët do të krijojë kushtet që populli i guximshëm iranian të marrë fatin e tij në duart e veta.

Ka ardhur koha që të gjitha segmentet e popullit iranian - persianët, kurdët, azerët, balukët dhe ahwazët - të hedhin poshtë zgjedhën e tiranisë dhe të sjellin një Iran të lirë dhe paqësor.

Ju bëj thirrje juve, qytetarëve të Izraelit, të dëgjoni udhëzimet e Komandës së Frontit të Brendshëm. Në ditët në vijim, në Operacionin 'Ulërima e Luanit', të gjithëve do t'u kërkohet të kemi durim dhe guxim.

Së bashku do të qëndrojmë, së bashku do të luftojmë dhe së bashku do të sigurojmë përjetësinë e Izraelit./CNA





Lajmet e fundit nga