web counter
LEXO PA REKLAMA!

SHKARKO APP

App Store
Google Play

KE 2.1 mld euro investime në Ballkanin Perëndimor, prioritet sektori privat

1 Korrik 2023, 08:31, Kosova & Bota CNA

KE 2.1 mld euro investime në Ballkanin Perëndimor, prioritet sektori

Komisioni Evropian lançoi dje një paketë të re financiare për të mbështetur 14 projekte investimi lider në fushën e transportit, energjisë, mjedisit, kapitalit njerëzor dhe mbështetjes për sektorin privat në Ballkanin Perëndimor, me vlerë 2.1 miliardë euro. 

Siç thuhet në njoftimin e publikuar në faqen e Komisionit Evropian, kjo është pakoja e pestë e investimeve në kuadër të Planit Ekonomik dhe Investiv të BE-së për Ballkanin Perëndimor.

Projektet u përgatitën në bashkëpunim të ngushtë me partnerët në Ballkanin Perëndimor dhe institucionet financiare ndërkombëtare për të përshpejtuar perspektivën evropiane të rajonit.

Komisioneri Evropian për Fqinjësinë dhe Zgjerimin, Oliver Varhelyi tha se paketa e re e investimeve u dërgon një mesazh të qartë partnerëve nga Ballkani Perëndimor, se e ardhmja e tyre është në BE dhe se "ne po bëjmë përparim të qëndrueshëm" për të kapërcyer zhvillimin e pabarabartë ekonomik.

“Këto projekte do të lidhin më mirë vendet e rajonit me njëri-tjetrin dhe me BE-në, do të ndihmojnë në dekarbonizimin e ekonomive të tyre dhe do të mbështesin konkurrencën e sektorit privat në rajon”, tha Varhelyi.

Ai u bëri thirrje partnerëve nga Ballkani Perëndimor dhe institucioneve ndërkombëtare finlandeze që të nisin sa më shpejt këto projekte në mënyrë që qytetarët dhe bizneset në rajon të përfitojnë nga këto investime. 







Lajmet e fundit nga