web counter
LEXO PA REKLAMA!

SHKARKO APP

App Store
Google Play

Do të diskutohet për Groenlandën/ Marco Rubio pritet të takohet javën e ardhshme me zyrtarët danezë

7 Janar 2026, 21:37, Kosova & Bota CNA

Do të diskutohet për Groenlandën/ Marco Rubio pritet të

Sekretari i shtetit i SHBA-së, Marco Rubio, tha se planifikon të takohet me zyrtarë danezë javën e ardhshme për të diskutuar çështjen e Groenlandës, ndërsa kriza përshkallëzohet brenda NATO-s për shkak të kërcënimeve të presidentit amerikan Donald Trump për të marrë territorin e Arktikut.

Ky takim urgjent ishte kërkuar nga ministrat e jashtëm të Groenlandës dhe Danimarkës, të cilët kanë thënë se çdo pushtim ose konfiskim i territorit nga aleati i saj në NATO do të shënonte fundin e aleancës ushtarake perëndimore dhe sigurisë pas Luftës së Dytë Botërore.

Duke folur me gazetarët në Uashington, Rubio nuk iu përgjigj drejtpërdrejt një pyetjeje nëse administrata Trump ishte e gatshme të rrezikonte aleancën duke ecur potencialisht përpara me një opsion ushtarak për të fituar kontrollin e Grenlandës.

“Nuk jam këtu për të folur për Danimarkën apo ndërhyrjen ushtarake, do të takohem me ta javën tjetër. Këto biseda do t’i zhvillojmë me ta atëherë, por nuk kam asgjë tjetër për të shtuar. Çdo president amerikan ruan mundësinë e adresimit të kërcënimeve të sigurisë kombëtare me mjete ushtarake”, tha ai.

Franca tha të martën se po punonte me aleatët se cila do të ishte përgjigja nëse SHBA-të do të pushtonin Groenlandën. /CNA





Lajmet e fundit nga