web counter
LEXO PA REKLAMA!

SHKARKO APP

App Store
Google Play

Nga familja te ëndrrat, zbulohet intervista e 13-vjeçarit Mesi. Djaloshi që la pas sëmundjen dhe donte të bëhej…

2022-12-18 09:59:11, Sport CNA

Dihet thuajse gjithçka për Lionel Mesin, kapitenin e Argjentinës, por mesa duket bota e 35-vjeçarit është edhe më e larmishme nga ajo që mendonim.

Mungesa e hormonit të rritjes që u desh t’i administrohej djaloshit me kalimin e tij tek akademia e Barcelonës dhe më pas zërat për një tjetër sëmundje, sindromën e Aspergerit (një formë e lehtë e autizmit), që nuk u konfirmua asnjëherë, e kanë bërë edhe më të veçantë historinë e “Pleshtit”, që do të luajë një tjetër finale Botërori.

Por atëherë kur nuk e dinte se do të bëhej ai heroi i të gjithë fëmijëve, e në veçanti atyre argjentinas, 13-vjeçari Leo, që kishte tërhequr vëmendjen për paraqitjet e tij ndërsa ishte ende pjesë e Neuells Olld Bois rrëfehej për “La Capital”, gazetën e qytetit të vendlindjes së tij Rosario, ku ndër të tjera tregonte për idhujt e pasionet, librat dhe ushqimin.

Një hero? – Dy, babai im Horge dhe kumbari im Klaudio.

Trajneri i preferuar? – Të gjithë ata që kam pasur, kam mësuar shumë nga të gjithë (Gabriel, Morales, Domingez, Vekio e Koria).

Lojtari i preferuar? – Dy, im vëlla dhe kushëriri.

Skuadra e zemrës? – Neuells.

Pasionet? – Të dëgjoj muzikë, në veçanti Kuarteto e Kumbia.

Një program televiziv? – Primicias.

Libri i preferuar? – Bibla.

Filmi i preferuar? – Shëtitja e bebit.

Modelja e preferuar? – Nikol Numan.

Ushqimi i preferuar? – Pulë me salcë.

Lënda e preferuar në shkollë? – Gjuha spanjolle.

Profesioni që do të donit? –Mësues i edukimit fizik.

Objektivi? – Të mbaroj shkollën 9-vjeçare.

Objektivi në futboll? – Të luaj në ligën e parë.

Gëzimi më i madh? – Kur ishim kampionë (Në kohën e intervistës Neuells e kishte fituar titullin për herë të fundit në 1992-shin).

Momenti më i trishtë? – Vdekja e gjyshes sime.

Na tregoni një histori. – Kur shkuam në Peru dhe u shpallëm kampionë.

Çfarë është përulësia? – Ajo që një qenie njerëzore nuk duhet ta humbasë kurrë.

Çfarë mendoni për moshate kombëtares argjentinase? – Shpresoj që një ditë tëluaj me ta.

Pritshmëritë për këtë vit? –Të shpallemi sërish kampionë.

Sa persona jeni në familje? – Babai Horge, mamaja Selia, vëllai Rodrigo dhe motrat Natalia e Marisol.

Cilët janë miqtë më të mirë? – Jam me fat që kam shumë shokë dhe nuk dua të harroj dikë nëse i përmend.

Çfarë do të thotë Neuells? –Gjithçka, absolutisht gjithçka.





Lajmet e fundit nga