web counter
LEXO PA REKLAMA!

SHKARKO APP

App Store
Google Play

E fundit!

x

Banka e Shqipërisë vendos të mbajë të pandryshuar normën bazë të interesit

6 Maj 2026, 17:06, Ekonomi CNA

Banka e Shqipërisë ka vendosur të mbajë të pandryshuar normën bazë të interesit, në nivelin 2.5%.

Siç bëri me dije guvernatori Gent Sejko në një konferencë për shtyp, BSH ka vendosur gjithashtu të mbajë të pandryshuar normën e interesit të depozitës njëditore, në nivelin 1.5% dhe normën e interesit të kredisë njëditore, në nivelin 3.5%.

“Qëndrimi aktual i politikës monetare mbetet i përshtatshëm për momentin. Ky qëndrim mundëson përmbushjen e parashikimeve të skenarit bazë, duke i ofruar ekonomisë shqiptare kushte të përshtatshme monetare për kthimin e inflacionit në objektiv. Gjithashtu, ai adreson pasigurinë mbi ecurinë e ekonomisë dhe të inflacionit në të ardhmen, duke mundësuar më shumë kohë për monitorimin e ecurisë së çmimeve të naftës në tregjet ndërkombëtare dhe duke ofruar fleksibilitetin e duhur për një reagim në kohë ndaj zhvillimeve të pafavorshme”,-theksoi Sejko.

Po ashtu Sejko shtoi se Këshilli Mbikëqyrës i Bankës së Shqqipërisë do të monitorojë me kujdes e në vazhdimësi situatën e krijuar me çmimet, bazuar edhe në të dhënat e reja, teksa shprehu gadishmërinë e institucionit për të reaguar ndaj çdo rreziku mbi stabilitetin e çmimeve./CNA





Lajmet e fundit nga