E fundit!

09:24 Kronika

Pjesë e grupeve kriminale/ Pritet ekstradimi i 6 personave të kapur në Dubai

Pritet të ekstradohen sot, në Shqipëri, 6 shtetasit e kapu...

Shpërthim nervash sapo përfundoi ndeshja, Alegri hesht: Doni të na varrosni para kohe

17 Mars 2022, 11:10, Sport CNA

Vërshëllima përfundimtare e ndeshjes mes Juventusit dhe Vijarealit, dhuroi një pamje mjaft të veçantë. Masimilano Alegri i shtrëngoi dorën me shpejtësi Unai Emeri dhe pastaj i nervozuar u drejtua nga fusha e lojës, duke bërë me gjeste dhe duke kritikuar ashpër dikë.

Nëse e kishte me lojtarët e tij, apo me gjyqtarin, kjo nuk është e qartë, pasi edhe vetë trajneri ka vendosur të mos tregojë asgjë. ?Të mos kërkojmë polemika të kota ju lutem, të flasim për futboll?, ishin fjalët e tij kur u pyet për këtë moment nervozizmi. Dhe duke folur për futboll, tabloja që ai ofronte për skuadrën ishte e ndryshme nga ajo e opinionit të përgjithshëm.

Në pjesën e dytë, duke parë vështirësitë, u duk sikur trajneri i Juventusit nuk bëri asgjë për të ndryshuar situatën dhe dukej i kënaqur që ta dërgonte ndeshjen në kohët shtesë. ?Kush e mendon këtë, gabohet. Ishte Vijareali ai që në pjesën e dytë luajti për ta dërguar ndeshjen në shtesë dhe jo unë. Zotësia e tyre ishte që në të vetmin rast dhe gabim tonin në prapavijë, sepse për 75 minuta lojë ata nuk na goditën asnjëherë në portë, gjejnë një penallti për një episod tonin që mund të shmangej dhe kaq.

Pastaj, dy golat e tjerë janë rrjedhojë e gjendjes emocionale të një skuadre që kërkonte të kualifikohej. Në pjesën e parë bëmë gjithçka në mënyrë perfekte, por goli ishte diçka e mallkuar. Futbolli di të jetë edhe i egër, i padrejtë, por në të njëjtën kohë edhe ne u treguam naivë në atë rast të penalltisë së parë, njësoj siç na ndodhi edhe në ndeshjen e vajtjes.

Pse aq vonë zëvendësimet? Nuk është çështje zëvendësimesh, pasi e kishim ne lojën në dorë dhe jo kundërshtarët tanë. Madje, nëse doni ta dini edhe sikur të më jepej rasti do ta riluaja njësoj këtë sfidë, prandaj mos flisni për gabime. Çështja është që episode ndonjëherë ecin në favor, ndonjëherë tjetër të ecin kundër. Kjo e bëri ndryshimin dhe mjaft më me këtë idenë për të krijuar gjithmonë polemika. E kuptoj që doni të na bëni funeralin, të na varrosni përpara kohe, por prisni pasi kemi ende dy objektiva për të arritur?, përfundoi Alegri i tensionuar.