web counter
LEXO PA REKLAMA!

SHKARKO APP

App Store
Google Play

E fundit!

x

Deshamp zbret yjet në fushë, Zvicra i beson Xhakës dhe Shaqirit. Ja si rreshtohen të dyja skuadrat

28 Qershor 2021, 18:08, Sport CNA

Duke filluar nga ora 21:00, Franca do të përballet me Zvicrën për fazën e 1/8-ve të Kampionatit Europian. Franca vjen si favorite absolute në këtë sfidë, por ky Europian ka bërë që dhe skuadrat e mëdha të dridhen. Eliminimi i Holandës dhe Portgualisë, ka bërë që skuadrat ?big? të mendohen mirë para se të quhen favorit.

?Gjelat? arritën të kalonin me sukses grupin e ferrit ku bënin pjesë dhe Gjermania, Hungari dhe Portgualia dhe mbrëmjen e sotme do të tentojnë të vazhdojnë rrugëtimin e tyre drejt lavdisë.

Nga krahu tjetër, Zvicra vjen në këtë fazë të 1/8-ve si një surprizë e bukur e cila u kualifikua vetëm pasi mbaruan të gjitha ndeshjet e grupeve, duke u renditur ndër vendet e treta më të mira. Helvetët do të tantojnë gjithçka në këtë ndeshjes, ku sytë janë te Shaqiri i cili shkëlqeu me dopietë kundër Turqisë.

Sa i përket formacioneve trajneri Deshamp ka hedhur në fushë të gjithë arsenalin e tij duke mos hequr dorë nga tredhëmbëshi, Mbape, Grizman, Benzema. Ndërsa për Zvicrën titullarë do ta nisin dhe Xhaka me Shaqirin të cilët pritet të bëjnë paraqitje pozitive mbrëmjen e sotme.





Lajmet e fundit nga