web counter
LEXO PA REKLAMA!

SHKARKO APP

App Store
Google Play

Vrasja e Kudret Saliajt nga ish-vjehrri/ Klodiana Lala zbardh detaje të reja

6 Qershor 2021, 09:45, Aktualitet CNA

Dy ditë më parë një ngjarje e rëndë ndodhi në kryeqytet ku vjehrri vrau ish dhëndrin e tij, Kudret Saliaj përpara procesit gjyqësor.

Për krimin e bërë u arrestua ish-vjehrri i viktimës Mexhit Picari dhe vajza e tij ish-bashkëshortja e 41-vjeçarit Dhurata Saliaj.

Gazetarja Klodiana Lala ka zbardhur detaje të reja për këtë ngjarje.

Sipas saj, Prokuroria e Tiranës ka dorëzuar në gjykatë kërkesën për masë sigurie duke kërkuar arrest me burg për babë e bijë, ndërsa pretendon se vrasja ka qenë me paramendim.

?Vetëm pak minuta më parë Prokuroria e Tiranës dorëzoi në gjykatë kërkesën për masë sigurie për babë e bijë të cilët akuzohen se në bashkëpunim me njeri-tjetrin vranë Kudret Saliajn dhe plagosën avokatin Adriatik Cama. Prokurori Braho ka kërkuar arrest me burg për Mexhit Picarin dhe vajzën e tij Dhurata Saliajn e cila ishte në proces divorci me viktimën që nga nëntori i vitit të kaluar?, u shpreh Lala.

Sipas gazetares djali i tyre 16 vjeçar nuk ka qenë në vendngjarje në momentin e krimit. Ai ka deklaruar gjithashtu se mamaja e tyre ka ushtruar dhunë ndaj tyre.

?Djali i madh do të deklaronte atë ditë para gjykatës së me cilin nga prindërit do të qëndronte. Nuk ka qenë i pranishëm në vendin e ngjarjes, është gjendur në një lokal pranë atij ku ka ndodhur ngjarja me një kushëri të viktimës. Ai është afruar pas ngjarjes, por nuk e ka lejuar policia. 16-vjeçari ka deklaruar se nëna e tij ushtronte dhunë ndaj tij dhe motrës e vëllait më të vegjël. Ka folur për marrëdhënie të tensionuara me gjyshin dhe dajën e tij. Por ai do të ripyetet nga oficerët e Policisë Gjyqësore dhe konfliktet në familje mes prindërve të tij që nga 2013 dhe që kishin kulmuar në 2020?, u shpreh Lala./ CNA.al





Lajmet e fundit nga