web counter
LEXO PA REKLAMA!

SHKARKO APP

App Store
Google Play

E fundit!

x

“Një zjarrfikës i sherreve tona të egra”/ Mesazhi i Astrit Patozit për ndarjen nga jeta të ish-kryeministrit

29 Mars 2021, 08:32, Politikë CNA

Humbja e jetës së deputetit socialist Bashkim Fino bëri që politika të jetë në zi duke anuluar kështu edhe aktivitetet e ditës, fushatat dhe Kuvendin.

Koordinatori i Bindjes Demokratike Astrit Patozi ka reagur për ndarjen nga jeta të Bashkim Finos.

Në një postim në rrjete sociale ai është shprehur se Fino do të mbahet mend si kundërshtari më i denjë, që nuk të linte dot ta harroje.

Patozi shtoi se Fino ka lënë një zbrazëti jo të vogël në politikë duke dhënë ngushëllimet e tij.

“IKU NJË ZJARRFIKËS I SHERREVE TONA TË EGRA DHE TË PAZAKONTA

Bashkim Finon do ta mbaj mend si kundërshtarin në parlament, që nuk të linte ta harroje. Pasi shfaqej vrullshëm dhe papritur herë pas here, edhe pse nuk shquhej për protagonizëm të sforcuar.
Nuk e di pse i kishte caktuar vetes një si rol gardiani, sa herë trajtoheshin tema të pushtetit lokal, pasi në ato raste kthehej në problem edhe për të tijët.
Por mendoj se ai do të kujtohet më shumë për sensin e veçantë të humorit dhe për kujdesin e vazhdueshëm për të fikur zjarre në debatin gjithmonë të ndezur të politikës sonë agresive, jo vetëm në stinë fushatash.
Sot mora vesh se Bashkimi nuk ia doli dhe mendova se ai ka lënë një zbrazëti jo të vogël në atë cepin e vet të politikës, të cilin besoj se e kishte zënë pa kapërcyer mbi të tjerët. U prehtë në paqe“, tha Patozi në postimin e tij./CNA.al





Lajmet e fundit nga