web counter
LEXO PA REKLAMA!

SHKARKO APP

App Store
Google Play

Kush ishte Bashkim Fino, ish-Kryeministri i 'Pajtimit Kombëtar'/ Deputet i PS prej mbi 2 dekada

29 Mars 2021, 07:54, Politikë CNA

Ditën e sotme është ndarë nga jeta deputeti socialist, Bashkim Fino pasi nuk mundi të fitojë betejën me Covid.

Fino u nda nga jeta në moshën 59 vjecare në orët e para të mëngjesit, ndërkohë që ka qenë me oksigjen 2 javët e fundit, ndërsa COVID i ka shkaktuar dhe arrest kardiak.

Ai ishte  renditur si kandidat për deputet në zgjedhjet e 25 prillit në qarkun e Fierit.

Kush ishte Bashkim Fino?

Ai lindi më 12 tetor 1962 në Gjirokastër. Studimet e larta Fino i kreu në Universitetin e Tiranës, Fakulteti Ekonomik, dega Financë. Në vitin 1992, ai u zgjodh Kryetar i Bashkisë Gjirokastër, post të cilin e mbajti deri në vitin 1996.

Karriera e tij politike në Partinë Socialiste është e hershme. Prej vitit 1997 e në vazhdim ishte anëtar i Kryesisë së Partisë Socialiste. Kulmi i karrierës së tij do të shënohej në vitin 1997, ku do të zgjidhej Kryeministër i vendit në qeverinë e Pajtimit Kombëtar, post që do ta mbante nga muaji mars deri në korrik. Z. Fino ka mbajtur disa poste ministrore.

Nga viti 1997 deri në 1998 ai ushtroi detyrën e Ministrit të Pushtetit Lokal, njëkohësisht dhe Zv/kryeministër. Në 1999 deri në vitin 2001 ishte ministër i pushtetit lokal dhe gjatë viteve 2001-2002 ka qenë Ministër i Punëve Publike dhe Turizmit./CNA.al





Lajmet e fundit nga