web counter
LEXO PA REKLAMA!

SHKARKO APP

App Store
Google Play

E bujshme/ U largua nga Partizani, Solomon pranë firmës me Kukësin

31 Janar 2021, 08:58, Sport CNA

Merkato e Kategorisë Superiore mund të regjistrojë një lëvizje të papritur në ditët e fundit të saj me një kalim të cilin askush nuk do ta kishte parashikuar vetëm pak ditë më parë. Klubi i Kukësit ka nisur bisedimet me një futbollist i cili vetëm sot u la i lire nga Partizani dhe është gati të sigurojë shërbimet e tij ndonëse të kuqtë e cilësuan të panevojshëm për vijimin e këtij edicioni.

Teofilus Solomon ka ndërprerë më marrëveshje kontratën që kishte me Partizanin, ku me afrimet e reja, ai do të kthehej në një lojtar stoli me pak mundësi akiivizmi të rregullt. Lojtari fillimisht kërkohej në Azerbajxhan, por duket se ajo hipotezë për momentin ka rënë poshtë, pasi në mënyrë të papritur , sulmuesi ka nisur bisedimet për qëndrimin në Superiore, për të vijuar sezonin me Kukësin.

VIP Sport mëson nga burime pranë lojtarit se që të shtunën ka patur kontakrte mes palëve për të diskutuar mundësinë e këtij bashkëpunimi që mund t?u leverdisë të gjithëve. Kukësi kërkon një sulmues qendre që të rivalizojë me Eze dhe Solomon mund të jetë një zgjidhje, ndonëse nuk garanton të njëjtin numër golash. Ndërsa futbollisti kërkon të mbyllë këtë edicion në vendin tonë, e më pas të kërkojë në verë më qetësisht një ekip për të vazhduar karrierën me një kontratë afatgjatë.





Lajmet e fundit nga