web counter
LEXO PA REKLAMA!

SHKARKO APP

App Store
Google Play

Sytë te Partizani-Vllaznia, luhen sot 3 ndeshjet e fundit të javës së 17-të

31 Janar 2021, 07:51, Sport CNA

Java e 17-të e Kategorisë Superiore do të luhet në dy ditë. Ditën e djeshme u luajtën dy ndeshje, Skënderbeu-Kukësi dhe Kastrioti-Bylisi. Sot luhen tri çiftet e tjera, që nga përfundimi i tyre mund të shikohet edhe busulla orientuese e sezonit, kryesisht sa i përket titullit kampion.

Në orën 13:45 luhen Apolonia-Tirana, ku trajneri Orges Shehi debuton në krye të pankinës bardheblu, si dhe LaçiTeuta, një duel rivalësh për kreun. Kryendeshja e javës është Partizani-Vllaznia, që do të luhet në ?Elbasan Arena?, në orën 16:45.

Sytë dhe vëmendja e kësaj jave janë totalisht nga kjo ndeshje, që nga përfundimi i saj mund të varen edhe fatet e kampionatit për pjesën në vazhdim. Me një fitore të mundshme Vllaznia mund ta ?vrasë? kampionatin sa i përket çështjes titull. Ndërsa me fitoren e Partizanit kampionati do të hapej, pasi diferenca me kreun do të ulej në 6 pikë.

Barazimi në këtë ndeshje hyn te llogaritë e ndeshjes Laçi-Teuta, ku në rast se do të fitonin durrsakët, do të ishin ata forcë e dytë e kampionatit me 7 pikë larg shkodranëve. Gjithsesi, do të jetë një javë interesante, ku përfundimet vendosin shumë si për kreun dhe zonën e ftohtë. Urojmë që arbitrimet të mos bëhen faktorë këtë javë dhe verdiktet t?i vendosin vetë skuadrat në fushë.

Ndeshjet:

13:45 Apolonia-Tirana

13:45 Laçi-Teuta

16:45 Partizani-Vllaznia





Lajmet e fundit nga