E fundit!

22:14 Aktualitet

“Synon të përçajë protestuesit”/ Bushati: Rama me mision, do të shpëtojë lëkurën

Analisti Andi Bushati hodhi sot akuza ndaj kryeministrit E...

Rriten rastet nga COVID-19 në Ballkan/ OBSH: Europa në situatë të paqëndrueshme

3 Dhjetor 2020, 17:39, Kosova & Bota CNA

Epidemia COVID-19 mbetet e brishtë në të gjithë rajonin Evropian, tha të enjten Organizata Botërore e Shëndetësisë, ndërsa rastet rriten në Evropën Qendrore, Ballkanin dhe Kaukazin.

?Ne nuk mund të themi se jemi në një situatë të qëndrueshme në të gjithë rajonin për momentin?, tha dr. Catherine Smallëood me Programin e Emergjencave Shëndetësore të OBSH-së në një konferencë për shtyp.

Rajoni evropian i OBSH-së, i cili përfshin disa vende aziatike, përbën 40% të rasteve globale, tha dr. Hans Kluge, drejtori rajonal i OBSH-së për Evropën, duke paralajmëruar se rastet në rritje në Evropën Qendrore dhe Jugore ishin shqetësuese.

Gjeorgjia, Serbia, Luksemburgu dhe Kroacia kanë numrin më të lartë të rajonit me COVID-19 për 100 000 banorë, në dy javët e fundit. Shkalla e incidencës së Serbisë është rritur 121% në këtë periudhë dyjavore, me një total prej 191 356 rastesh të konfirmuara. Serbia ka regjistruar rreth 7000 raste në ditë të virusit.

Kohët e fundit, dy patriarkët më të vjetër fetarë serbë vdiqën nga koronavirusi, me shumë njerëz që morën pjesë në funerale, duke nxitur shqetësime se kufizimet e dobëta në komunitetin fetar do të përkeqësonin përhapjen e virusit.

Dr. Kluge theksoi në një konferencë shtypi, se duhej të kishte kufizime në tubimet e mëdha, tubime fetare, apo funerale masive. Kroacia ndërkohë ka regjistruar rreth 139 000 raste me COVID-19 dhe regjistron rreth 3000 raste të reja pozitive në ditë për një popullsi prej rreth katër milionë banorësh.

Kryeministri Andrej Plenkoviç dhe ministri i Shëndetësisë kohët e fundit dolën pozitivë me koronavirus.

Plenkoviç kishte njoftuar kufizime të reja duke përfshirë mbylljen e bareve dhe restoranteve dhe kufizimin e tubimeve nga fundi i nëntorit, masa që do të qëndrojnë në fuqi të paktën deri më 21 dhjetor.

Vendet e tjera në Ballkan dhe në rajonin e Kaukazit gjithashtu po përjetojnë rritje të rasteve, tha dr. Smallëood gjatë konferencës për shtyp të rajonit evropian të OBSH-së. Nga ana tjetër, vendet e Evropës Perëndimore që vendosën masa të ashpra kufizuese po shohin përmirësime me shtrimet në spital. Por, ekspertët në OBSH paralajmëruan se COVID nuk është zhdukur dhe nuk do të zhduket.

?Gjatë periudhave të pushimeve të Krishtlindjeve dhe dimrit ka një potencial shumë real që ai të bëhet edhe më shumë një problem ndërsa njerëzit përpiqen të grumbullohen?, tha dr. Smallëood në konferencë.

Ka pasur më shumë se 90 milionë raste të COVID-19 dhe mbi 427 000 vdekje të raportuara në Rajonin Evropian të OBSH-së. ?Virusi ende ka potencial për të bërë dëme të mëdha?, tha dr Kluge, ndërsa përshëndeti rezultatet premtuese nga vaksinat, që sipas tij mund të ndryshojnë rregullat e lojës./CNA.al.