E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ndryshimet në Kodin Zgjedhor/ Hajdari: Partitë e vjetra kanë një marrëveshje të fshehur

25 Tetor 2020, 16:52, Politikë CNA

Deputetja Rudina Hajdari, ka kërkuar që Këshilli Politik të ulet sërish në tryezë për të rishikuar hapjen e listave, pasi presidenti Ilir Meta ktheu në Kuvend ndryshimet kushtetuese në Kodin zgjedhor.

Hajdari tha hapja e listave do të ishte një shans historik, ndërsa pretendon se mazhoranca ka tentuar që në mënyrë të njëanshme të mbajë listat e mbyllura.

?Nga ajo kohë e deri tani, mazhoranca ka tentuar që në mënyrë të njëanshme të mbajë listat e mbyllura. Teksa ndryshimet në Kodin Zgjedhor nuk ia japin shansin qytetarëve listat e hapura 100%. Ndryshimi është tek vota parapëlqyese, dhe ky është ndryshimi por sbën diferencë. Ndaj mendoj që me thirrjen e Këshillit Politik mund të reflektojmë, të ulemi dhe që të gjejmë konsensus. Mazhoranca ishte për lista të hapura, minimumi 70%, kurse sot janë të mbyllura 100%. Nuk mbajtën premtimin.

Fakti që e kaluan në Parlament pa konsensus tregon që Kodi Zgjedhor u miratua në mënyrë të njëanshme. Ka thyer frymën, më vjen çudi që shikoj një opozitë jashtëparlamentare të heshur. Në momentin që Presidenti e kthen në Parlament, s?kam parë reagim madhor. Ky duhet të ishte momenti, nuk duhet të jemi të heshur. Më 29 nëntor është seanca, dhe mund të takohemi për t?u dhënë qytetarëve?, u shpreh ajo në News 24.

Deputetja deklaroi se arritja e një kompromisi është i rëndësishëm, ndërsa theksoi se ka ende kohë e mundësi që tu jepet e drejta zgjedhësve.

Sipas saj, fakti që listat nuk u hapën pavarësisht se deri në momentin e fundit të gjitha palët kërkonin hapjen e tyre, tregon se ka një marrëveshje të fshehur.

?Partitë e vjetra që kanë vite që operojnë kanë frikë nga votat e qytetarëve. Tregon që ka marrëveshje të fshehur. Nuk kam ende ndonjë kthim përgjigje, do shohim nëse do kemi një reagim. E udhës të ketë një reagim. S?duhet ta lemë këtë moment, dhe të shkojmë në parlament që mazhoranca ta hedhë. Mos vijojmë me avazin. Qoftë me detyrat tona me BE për të gjetur një konsesus për Reformën Zgjedhore që të tregojë se ne nuk do vijojmë kështu.

Bënë mirë që në PD e ndryshuan qëndrimin. Se në fillim nuk donin të hapnin listat. Sidomos kur kryetari i saj vazhdonte e apelonte që në 2017 që listat duhet të jenë të hapura. Ishte surprizë kur PD kërkoi lista të hapura. Unë e përshëndeta. Ndërsa më vonë kur ishte beteja në parlament e Këshill Politik s?pashë ndonjë vullnet të hekurt, për të qenë më të vendosur. Vazhdova betejën timepër t?ia arritur këtij qëllimi që të vijojë. Kam besim se qytetarët do i ndëshkojnë këta politikanë?, nënvizoi Hajdari./ CNA.al