E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Skandali i inceneratorëve/ Rama akuza Shkullakut: Ishte në krye të luftës për t'i bërë jehonë sulmit të Lulëzimit

17 Tetor 2020, 14:17, Politikë CNA

Kryeministri Edi Rama ka reaguar sërish për skandalin e inceneratorëve, pas debatit të dy netëve më parë me gazetarët në emisionin ?Opinion?.

Rama ka hedhur akuza të forta ndaj gazetarit Armand Shkullaku dhe kryetarit të opozitës Lulzim Basha, të cilët i kanë kërkuar llogari për inceneratorët.

Kreu i qeverisë akuzon Shkullakun se i bëri jehonë sulmit të Bashës, ndërsa pretendon se skandali i inceneratorëve nuk është i vërtetë.

Rama deklaron se analisti, në cilësinë e drejtuesit të prodhimit të TV Klan ka bërë një film për inceneratorin dhe për prodhimin e energjisë nga plehrat në Elbasan disa vite më parë.

?Shkullaku Lulëzimi Plehrat Opinioni

Parmbrëmë tek Fevziu Armand Shkullaku ishte në krye të luftës së panelit të armatosur me gjysëm të vërteta (që janë edhe gënjeshtrat më të mëdha), për t’i bërë jehonë sulmit sharjeshpifës të Lulëzimit mbi impiantet moderne të përpunimit të mbetjeve në Tiranë, Elbasan e Fier ose siç i quan Luli, me atë fodullëkun përbuzës të gjumashit kur bën sikur s’ka gjumë, “inceneratorët”.

Analisti arriti të mohonte sy për sy edhe fjalët e veta edhe vetë provën materiale, e cila rrëzoi në sy të të gjithëve gënjeshtrën ulëritëse se në impiantin e Elbasanit nuk është prodhuar kurrë energji! Por e vërteta e plotë lidhur me këtë episod, ku analisti u vu këmbëngulësisht në shërbim të Lulit, është se Shkullaku jo vetëm nuk gënjeu nga padija, po ai vetë, në cilësinë e drejtuesit të prodhimit të TV KLAN, ka bërë edhe një goxha film për inceneratorin dhe për prodhimin e energjisë nga plehrat në Elbasan disa vite më parë!

Nuk e di nëse filmi në fjalë është bërë dhe shfaqur kundrejt pagesës apo ka qenë thjesht entuziazmi për impaktin e madh pozitiv mbi mjedisin të inceneratorit të Elbasanit, por materiali të cilin mund ta gjeni të plotë në youtube https://youtu.be/_nk9-3Av39Y duket se i ka pëlqyer aq shumë drejtuesit të atëhershëm të prodhimeve sa që e ka shfaqur edhe në ABC Neës edhe në TV KLAN!

Kush do të mësojë ca më shumë se ç’i panë sytë e ç’i dëgjuan veshët tek Fevziu gjatë atij debati haluçinant, le të ndjekë 4 minutat bashkëngjitur…?, shkruan kryeministri krahas një videoje të publikuar në rrjetet sociale, ku flitet për inceneratorët./ CNA.al