web counter
LEXO PA REKLAMA!

SHKARKO APP

App Store
Google Play

100 miliardë euro dhuratë për Francën/ Qeveria zbulon planin stimulues për të shëruar ekonominë e sëmurë

3 Shtator 2020, 11:59, Kosova & Bota CNA

Qeveria franceze do të zbulojë të enjten një paketë stimuluese prej 100 miliardë eurosh për të ndihmuar ekonominë e saj që u godit  rëndë nga kriza shëndetësore globale COVID-19.

Presidenti francez Emmanuel Macron tha në fund të gushtit se paketa është “veçanërisht ambicioze” dhe se është “ndër më të rëndësishmet në Evropë për sa i përket PBB-së (Prodhimi i Brendshëm Bruto)”. Ai gjithashtu tha se kjo do të lejojë “kompanitë të marrin frymë pak, të investojnë më shumë dhe të jenë më konkurruese” falë një ulje prej 20 miliardë eurosh të taksave. Qeveria gjithashtu do të ndajë 40 miliardë euro për të mbështetur industrinë dhe shërbimet vendase, 30 miliardë euro për tranzicionin e energjisë, 15 miliardë euro për të rritur inovacionin dhe zhvendosjen e “teknologjive strategjike”.

Nga ana tjetër  Kryeministri Castex i tha radios RTL të enjten në mëngjes se plani është “një dhuratë për Francën për të ringjallur ekonominë dhe për të luftuar papunësinë. Ky është objektivi kryesor i planit.”

“Shpresoj që plani i ringjalljes në 2021 të krijojë 160,000 vende pune,” shtoi ai.

Banka e Francës vlerëson se PBB do të tkurret 10.3 përqind këtë vit për shkak të pandemisë COVID-19. Ai pret që ekonomia të rikthehet me gati shtatë përqind dhe katër përqind respektivisht në 2021 dhe 2022.





Lajmet e fundit nga