web counter
LEXO PA REKLAMA!

SHKARKO APP

App Store
Google Play

E fundit!

x

Abuzuan me çmimet/ Konstatohen 13 farmaci dhe njësi tregtare, MFE apel qytetarëve

14 Mars 2020, 18:55, Kronika CNA

Drejtoria e Përgjithshme e Tatimeve ka konstatuar 13 raste me shkelje, 6 në farmaci dhe 7 të tjera në njësi tregtare fruta-perime.

Ministria e Financave bën me dije se këto subjekte kanë abuzuar me çmimet dhe për këtë do të ndëshkohen sipas ligjit.

MFE deklaron se tashmë është momenti për tu solidarizuar me qytetarët dhe jo për të abuzuar. Ministria fton qytetarët të bëhen bashkë për ti thënë thënë jo abuzimit.

“Falenderojmë të gjithë qytetarët për bashkëpunimin e deritanishëm, ku vetëm sot janë regjistruar 75 denoncime. Në vijim të tyre DPT ka verifikuar 13 raste me shkelje të legjislacionit tatimor, nga të cilat 6 farmaci dhe 7 njësi tregtare fruta-perime. Gjatë verifikimeve janë evidentuar çmimet e shitjeve dhe të blerjeve, duke i kaluar për ndjekje të mëtejshme të organeve kopetente në rast rritjesh artificiale të tyre.

Ndërkohë që nga nesër në qytetet kryesore të vendit do të jenë në terren Task Forca, me prezencën e Tatimeve, Policisë, Agjensia Kombëtare e Barnave dhe AKU-së. Inkurajojmë të gjithë qytetarët të vijojnë denoncimin e rasteve abuzive dhe këshillojmë, që asnjëri të mos largohet nga njësitë tregtare pa marrë kuponin tatimor dhe të sigurohet që përshkrimi në kuponin tatimor është i njëjtë me mallin e marrë. Të gjithë bashkë, për t’i thënë jo abuzimit” njofton ministria e Financave dhe Ekonomisë.

Qytetarët ftohet të denoncojnë çdo rast abuziv në numrin e vënë në dispozicion pa pagesë 0800 14 14./ CNA.al





Lajmet e fundit nga