web counter
LEXO PA REKLAMA!

SHKARKO APP

Inspiruese/ Komunitetet fetare në Shkodër demostrojnë forcën e bashkëjetesës

19 Nëntor 2019, 15:45, Sociale CNA

Në qytetin e Shkodrës ka mbërritur një delegacion i Departamenti të Shteteve të Bashkuara të Amerikës i cili zhvilloi vizita në komunitet fetare të qytetit.

Vizita e parë u zhvillua në katedralen ?Shën Shtjefni?, ku delegatët u pritën nga arqipeshkëvi Angelo Massafra i cili kujtoi disa nga ngjarjet më të rëndësishme të ndodhura në mjediset e kësaj kishe ndër vite.

Gjatë vizitës në kishën ortodokse ?Lindja e Krishtit? delegacioni i departamentit të Shteteve të Bashkuara u prit nga famullitari At Nikolla Petani i cili për të treguar edhe një herë bashkëjetesën fetare në Shkodër rrëfeu ngjarjet e ndodhura në vitin 1998 kur kishës ortodokse iu vendos tritoli nga keqbërës por kjo nuk solli përçarje por përkundrazi përforcoi lidhjen mes komuniteteve fetare.

Ndalesa e radhës e delegacionit ishte Xhamia e madhe ?Ebu Beker? ku u pritën nga myftiu i Shkodrës imam Muhamed Sytari.

Duke shoqëruar grupin e delegatëve ishte edhe imami Fejzi Zaganjori i cili tregon se Shkodra është qyteti që vazhdon të mbetet simbol i bashkëjetesës fetare në Shqipëri dhe më gjërë.
Ndërkohë, komunitete fetare në Shkodër demostruan forcën e bashkëjetesës fetare.





Lajmet e fundit nga