Edi ta gëzosh fitoren, Lulzim Basha nuk di as të kopjojë

29 Maj 2019, 20:23, Aktualitet CNA

Nga Ervin Gjonaj

– Edi, edhe të dashur t?a kishe nuk do i ishe lutur e shkruar kaq shumë letra, por është ndjenja e fitores kundrejt kundërshtarit që do të mungojë të nesërmen e 30 Qershorit, dhe prandaj i shkruan duke këmbëngulur për të futur një humbës në garë.

Nuk po këmbëngul për të futur Opozitën, kjo që është në rrugë nuk është Opozita, kështu ti Edi thjesht do një humbës në garë për të ndjerë ato ndjenja që ke shijuar sa herë ke fituar zgjedhjet. Kësaj rradhe do të mungojë, vetëm për një arsye: Lulzim Basha ka ndalur së kopjuari stilin tënd!

Lulzim Basha u katapultua në politikë siç dihet tashmë, që në fillimet e tij nuk dinte se çfarë të bënte në politikë, e sidomos në një parti ku kryetari e kishte kthyer si në një repart ushtarak. Një Lulzim që nuk kishte ide, grintë, aspiratë, nuk dinte të artikulonte një mendim, nuk ia kishte idenë më të vogël dhe atij i duhej një stil për t?a kopjuar.

Nisi të të kopjojë ty kur u vu përballe teje për Bashkinë e Tiranës. Pothuajse të njejtën fushatë siç kishe bërë ti Edi: Hipte nëpër autobuza dhe fliste me popullin, ashtu siç hipje edhe ti! Filloi të fliste, premtonte, do bënte gjëra të mëdha ashtu siç premtonit ju! U bë kryetar ashtu siç e dimë të gjithë, dhe ty të ngeli Opozita për t?a udhëhequr në fitoren e 2013-ës. Atij i ra barra e të bërit Kryetar Opozite.

Ishte në një post të ri, që nuk e dinte peshën dhe se si drejtohej ai post, ashtu siç nuk dinte se çfarë është posti i Kryetarit të Bashkisë, posti i Ministrit etj. i duhej të kopjonte dikë.

Nisi të të kopjojë ty kur ishe në Opozitë. E nisi me protestat sporadike, me protestat ku mundej të gjente një shkak, ashtu si ti Edi. Edhe fjalime bënte, por zëri e linte në baltë?Ishte fillimi ndoshta! E la Bashkinë për t?iu përkushtuar Opozites ashtu si ti Edi.

Protesta dhe bllokime ku të mundej, arriti të hynte në çadër ashtu siç hyre ti Edi për votat e vjedhura që të mos vidhen më. Hyri e doli me një marrëveshje që për vendin ishte më e mira që politika ka prodhuar. Pas marrëveshjes dha voten për reformat integruese të vendit, ashtu siç e dhe ti Edi voten kur ishe në opozitë.

Pas humbjes në zgjedhjet e 2017 përsëri vazhdoi të të kopjojë: mosnjohje zgjedhjesh, hetim zgjedhjesh, mosmarrje pjesë në Parlament njësoj si ti Edi me parlamentin deri sa hyje sa për të mos djegur mandatet. Marrëdhënie të kushtëzuar me parlamentin t?a kopjoi Luli ashtu siç bëje ti Edi.

Bllokime kryqëzimesh, rreth rrotullimesh, protesta dhe të dhunshme, ashtu si ti Edi ke bërë. Por ti Edi nuk ke një sipër që të urdhëron siç ka Luli edhe sado që të kopjon! Nëse Luli si Ministër i Brendshëm nuk do t?i vriteshin 4 protestues në 21 Janar, Ambasada Amerikane dhe BE do të të përmendte ty me emër e mbiemër për dhunë atë dit ashtu siç përmenden Lulzim Bashën për dhunën në protestë para disa ditësh.

Katër të vrarët morën vëmendjen e duhur dhe ty të harruan e këtu Lulzim Basha humbi. Atij iu përmend emri e mbiemri prandaj ka ndaluar edhe së kopjuari. Ketë e vure re dhe fillove të shkruajë letra, letra kembëngulëse të një forme irrituese për të futur një kundërshtar që tashmë është i kapitulluar në një garë ku ty Edi të nevojitet një humbës që t?a quash i denjë.

Edi, përse nuk i shkruajte Shoqërise Civile në Shqipëri ditën që Opozita dorëzoi mandatet dhe nuk do merrte pjesë në zgjedhje? Fare mirë Shoqëria Civile mund të dilte me një listë kandidaturash për Bashkitë. Por nuk e bëre sepse ndoshta kundërshtari mund të dilte më i fortë dhe të shkundte pozitat.

Përse nuk i shkruajte Sindikatave? Edhe Sindikatat mund të dilnin me listat e tyre. Përse nuk i shkruajte intelektualëve? Mund të kishim intelektualë të pavarur në lista! Përse nuk i shkruajte Disaporës? Ti drejtoheshe Diasporës që të kthehej e kandidonte në listat, mundësia më e mirë që të vinin shumë nga jashtë të sillnin eksperiencat e tyre se si ndërtohet një qytet, fshat.

Mund të kishin ardhur njerëz shumë të aftë ku me siguri të plotë kishin fituar kundrejt policëve që ke vënë në lista të drejtojnë qytetet (personalisht i respektoj policët në profesionin e tyre). Por ti Edi nuk e bëre këtë, sepse Shoqëria Civile është konfuze dhe kaotike, Sindikatat nuk ekzistojnë e kur e djathta ka qeverisur pa Sindikata, ti Edi fare mirë mund të bëhesh Sindikatë si e majtë që je.

Intelektualëve dhe Diasporës nuk mund t?i shkruaje sepse ishe i mundur e për këtë iu drejtove Lulit me letra për t?a bindur të futej në garë që të fitoje. U bëre patetik Edi! E pra Edi, unë si pjesë e Diasporës ndihem fajtor sepse ne si Diasporë duhet të vijmë vetë, por prapë ju të politikës jeni treguar të kujdesshëm në këtë pikë. Keni bërë ligje, si për shembull nëse do të kandidosh si i pavarur të duhen një numër i caktuar firmash ose të kandidon Partia. E partia të do ??polic?? që të të kandidojë. Edi boll me letrat, Luli nuk të kopjon më dhe e ke një kundërshtar të kapitulluar. T?a gëzosh fitoren për ty pa ndjenja fituesi, për ??policët?? e ëmbël e për mua e hidhur, e për vendin.