E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Burgjet, situatë alarmante/ Deputeti: Sa më shpejtë interpelancë, disponoj fakte tronditëse

25 Prill 2019, 20:23, Aktualitet CNA

Fakte më të renda se këto të publikuarat ditën e sotme do të dalin… Paralajmërimin e ka bërë Lefter Maliqi, deputeti i listës së PD-së së Beratit, që theu urdhërin e Lulzim Bashës dhe pranoi mandatin e ofruar nga KQZ.

Nëpërmjet një postimi të publikuar pak më parë në faqen e tij në rrjetin social, Maliqi i ka bërë thirrje drejtuesve të Parlamentit të mos vonojnë akomë më shumë kërkesën e tij për interpelancë me ministren e Drejtësisë, Etilda Gjonaj. Interpelancë e kërkuar shkresërisht prej tij që në datën 15 Prill dhe që ende nuk është futur në axhendë.

I kontaktuar nga CNA.al lidhur me këtë mesazh, Maliqi tha se situata nëpër burgjet shqiptare po degradon më tej dhe është alarmante. Ai thotë se konflikti midis drejtorit të ri të Përgjithshëm, Agim Ismaili dhe atij të Policisë së burgjeve, Bardhyl Kaçorri, nuk është asgjë përpara fakteve që ai disponon dhe që pret t’ja parashtroj Parlamentit. Më qëllim që kjo situatë alarmante të ndalet .

“Ato çka janë publikuar sot nga TV “Neës 24″ nuk janë asgjë përpara atyre fakteve që unë, si zvendësdrejtor i Përgjithshëm që kam qenë, di”,- tha për CNA.al Maliqi,duke risjellë në vëmendje shkëmbimin e mesazheve midis dy titullarëve të burgjeve. Në njerin prej të cilëve Ismaili flet për takime të padokumentuara të zyrtarëve të burgut me të dënuarit VIP-a.

“Siguria në burgje drejt degradimit,konflikti i fundit i cili ka kohë qe zien midis drejtorit te sukseshem profesor Kacorrit dhe Drejtorit të pergjithshem Ismaili tregon qart dy anë të kunderta te drejtimit.Per keto dhe shumë të tjera më te renda ,kam qe me dt 15 Prill qe kam kërkuar interpelancë urgjente me Ministren e Drejtësisë.Qeveria të reagoj sa s’është vonë.Ju siguroj që kjo Interpelancë me Ministren e Drejtësis do ketë interes te madh publik”,- shkruan deputeti i listës së Beratit që thyeu urdhërin e Lulzim Bashës për të mos pranuar mandatin dhe pranoi të vëvendësonte deputetin mandatdjegur Astrit Veliaj./CNA.al