web counter
LEXO PA REKLAMA!

SHKARKO APP

App Store
Google Play

Djegia e mandateve dhe protestat/ Duma: Çast historik, moment i shenjuar në Rajon

6 Mars 2019, 19:50, Aktualitet CNA

Nga studioja e lajmeve të televizionit “ABC News”, në rubrikën intervista, ish deputetja e PD-së,Grida Duma, ka folur edhe për strategjinë e opozitës që të bëjë të mundur bindjen e faktorit ndërkombëtar, reagimi i të cilit ka qenë refuzues dhe kritik ndaj aksionit të djegies së mandateve dhe braktisjes së Parlamentit.

Në vlerësim të qëndrimit të nd?rkombëtarëve, Duma ka thenë se ishte i pritshëm, duke shtuar se strategjia e opozitës synon ta kthejë situatën. Madje ajo shprehet me superlativë për aksionin, që e etiketon si “një moment të shenjuar jo vetëm në Shqipëri por në rajonin e Ballkanit”.

? Në një tjetër studion unë thash se problemi nuk është djegia e mandateve, por zgjidhja e kësaj situate. Djegia e mandateve është akt ekstrem, jo i dëshirueshëm, por ne do ta kthejmë situatën, do të kthejmë institucionet. Vendimi i opozitës është i arsyeshëm. Ky është një moment i shënjuar jo vetëm në Shqipëri, por edhe në rajon e Ballkanit. Është një çast historik, që kërkon shumë vëmendje nga  nivele shumë të larta të ndërkombëtarëve. E dija shumë mirë se ndërkombëtarët nuk do të mbështesnin në këtë lëvizje të opozitës. E dimë shumë mirë sa punë na duhet për të arritur aty ku duam, por realiteti i brendshëm është më i rëndësishëm se politika markro e ndërkombëtarëve,?- ka vlerësuar Grida Duma ./CNA.al





Lajmet e fundit nga