web counter
LEXO PA REKLAMA!

SHKARKO APP

App Store
Google Play

Nisma e re/ Studentët krijojnë parti politike

20 Janar 2019, 18:50, Aktualitet CNA

Edhe pas prezantimit të Paktit për Universitetin nga kryeministri Edi Rama, studentët nuk kanë hequr dorë nga protesta deri në plotësimin e tetë kërkesave të tyre.

Ata i kanë shpallur bojkot mësimit dhe disa prej tyre janë ngujuar në ambjente të brëndshme të fakulteteve në Tiranë, Durrës, Elbasan dhe së fundmi Korçë.

Mbrëmjen e sotme studentët kanë dalë me një njoftim të ri, sipas të cilit ata kanë marrë vendimin e rëndësishëm për krijimin e një partie politike e cila do të quhet ?Shpresë për Shqipërinë? dhe do të funksionojë pa kryetar , por me një Këshill Kombëtar Koordinatorësh.

Njoftimi i plotë studentëve:

?Përshëndetje. Disa studentë, me mbështetjen e emigrantëve dhe intelektualëve kanë marrë nismën për të themeluar një Parti të re Politike. Partia do të quhet ?Shpresë për Shqipërinë?. Kjo parti nuk do të ketë një kryetar, por një Këshill Kombëtar Koordinatorësh. Kjo parti është një parti e frymëzuar nga studentët, e iniciuar nga disa prej tyre, por që synon të ngjallë shpresën e shqiptarëve dhe të marrim frenat e vendit në dorë. Nisma jonë synon të hedhë poshtë këtë klasë politike dhe ti japë fund njëherë e përgjithmonë tranzicionit pafund. Ne kërkojmë që ti kthejmë shpresën shqiptarëve, të ngjallim dëshirën dhe ëndrrën që një ditë ky vend do bëhet. Kërkojmë nga ju, që brenda mundësive të shpalosim platformën tonë në median tuaj.
Ju falenderojmë!?./CNA.al





Lajmet e fundit nga