web counter
LEXO PA REKLAMA!

SHKARKO APP

App Store
Google Play

PS i përgjigjet kërcënimit të Metës/ Nuk do ta pengoni dot “Reformën në Drejtësi”

12 Janar 2019, 15:18, Aktualitet CNA

Pas kërcënimit të bërë pak çaste më parë nga zëdhënësi i presidentit Ilir Meta se nuk ka komision garancish statutore që mund ta ndalojë Presidentin në ushtrimin e kompetencave të tij.

I menjëhershëm qe dhe reagimi nga selia rozë. Kreu i Grupit Parlamentar i PS-së, Taulant Balla nëpërmjet një postimi në rrjetet sociale ka reaguar ashpër ndaj presidentit Ilir Meta.

Në shkrimin e tij Balla e fton kreun e shtetit të ruajë qetësinë dhe të mos bëhet qesharak.

Sipas tij, presidenti Ilir Meta nuk mund të pengojë as punën e tyre dhe as Reformën në Drejtësi.

?Zoti President, ne s’ju pengojmë dot të jeni Iliri qesharak që kemi njohur më shumë se sa njëherë kur Monika i’a fut kokën në çizmen e saj! Por këto bumjet tuaja që po e bëjnë edhe Bujar Nishanin të duket si Xhefersoni, nuk impresionojnë dot me askënd.

Ne s’jemi as PD, as LSI dhe s’kemi ndërmend të humbasim kohë me konflikte te kota me ju. Sepse ju s’keni asnjë shans dhe s’do keni asnjë mundësi të pengoni as punën tonë dhe as Reformën në Drejtësi, që e di Shqipëria dhe bota se sa shumë e dëshironi të realizohet.

Por meqë ju kemi dhënë votën si President, ju ftojmë të ruani qetësinë sa të mundeni sepse duke u bërë ju qesharak, sigurisht edhe ne nuk ndjehemi mirë.?-shkruan Balla./CNA.al





Lajmet e fundit nga