web counter
LEXO PA REKLAMA!

SHKARKO APP

App Store
Google Play

E fundit!

x

“Zhduket” Vangjush Dako/ Pse fshihet kryebashkiaku i Ramës?

20 Nëntor 2018, 11:02, Aktualitet CNA

Partia Demokratike vijon të hedhë akuza të forta në drejtim të kryebashkiakut socialist në Durrësm, Vangjush Dako, duke kërkuar arrestimin e tij.

Në një deklaratë për mediat, deputetja e PD, Valentina Duka ka deklaruar se Vangjush Dako është fshehur nga opinioni publik me shpresën se duke mos u shfaqur para qytetarëve, duke heshtur dhe duke mos dhënë llogari, krimi i tij elektroal do të harrohet.
Më tej ajo tha se Vangjush Dako i ka bërë llogaritë gabim, dhe se fshehja nuk do të mund ta shpëtojë.

?As fshehja, as heshtja, as pazaret e tij okulte që ai bën me Edi Ramën dhe prokurorinë, nuk mund të prishin provat e krimit të tij, blerjes së votave me bandat.
Përgjimet në dosjen 339 janë me qindra. Ato që kanë dalë deri tani janë vetëm fillimi.
Përgjimet në dosjen 339 nxjerrin zbuluar bashkëpunimin e Vangjush Dakos me bandën e Avdylajve për të vjedhur votat në Qarkun e Durrësit, në këmbim të favoreve në bashkinë e Durrësit dhe deri në kryeministri.?-tha ndër të tjera deputetja Duka.

Gjithashtu ajo tha se ?biseda e shkurtit 2017 me Altin Avdylajn, me nofkën Niçja, të cilit i premton favore, e provon këtë.
Biseda e Dakos me Niçen për të falenderuar kreun e bandës, Astrit Avdylaj, dy ditë pas zgjedhjeve e provon këtë.
Telefonatat e bandës drejtuar Dakos, kur rrethohet nga forcat e FNSH-së e provon këtë.?

Sipas deputetes Duka, ?në dosjen 339 provohet skema që Edi Rama ndoqi në Durrës, Dibër, Lezhë, Shkodër, Elbasan e në të gjithë Shqipërinë, për të bashkëpunuar me bandat lokale të krimit të organizuar, sipas pazarit ?vota në këmbim të tenderave dhe mosndëshkimit prej policisë?.





Lajmet e fundit nga