E fundit!

21:26 Politikë

Balla reagon ndaj Athinës: Narta është tokë shqiptare, autoktone

Kryetari i Grupit Parlamentar të Partisë Socialiste dhe Dr...

Nga vizita në Korçë te takimi me Dritëro Agollin/ Rrëfimi i rrallë i Mitro Çelës

26 Tetor 2018, 12:12, Aktualitet CNA

Nga Mitro Çela

* QYTETOMANIA
Me Ezmerkën vizituam Maliqin. Sebepi? Motra ime, Liria u martua në Maliq. Punoi shumë vite si mësuese. Tani jeton në Itali.
I ramë qyetit mes për mes. Bëmë ca foto në dalje të Maliqit, ku është një oxhak, te gërmadhat e fabrikës së sheqerit dhe TEC – it. Mendja bëri prapa në kohë.
Në vitin 1988 botova një artikull në gazetën “Bashkimi”. E titullova ?Qytetomania?. Nxitje u bë fakti që në Maliq u ngrit fabrika e sheqerit dhe TEC – i, për t?i siguruar fabrikës avullin që i duhej për të punuar. Por fabrika kërkonte edhe punëtorë. Kishte dy rrugë për të gjetur punëtorë. Së pari, punëtorët të merreshin çdo ditë me autobus nga Korça. Qytetet janë 12 km larg njëri – tjetrit. Por veç rrogës duheshin paguar edhe shpenzimet e transportit për punëtorët. Së dyti, të ndërtohej një qytet i ri ku do të banonin punëtorët. Kostoja? Shpenzime për banesa, plus për shkolla, plus për çerdhe, plus furra buke, plus kinema, teatro, drita, ujë, telefon… plus rrogat e punëtorëve?(?!)
Për çudi u zgjodh rruga e dytë. Jo vetëm në Maliq, por edhe në Poliçan, Laç, Bulqizë, Patos dhe Ballsh… dhe lindi ?Qytetomania?.
Një muaj pas botimit më ftoi për kafe Toqe Zoto , drejtori i ATSH-së. Kishim punuar së bashku në gazetën “ZP”. Kur nisa punë në gazetë, gjeta edhe Dritëro Agollin aty. Ai i thoshte me humor: ?Më pëlqen emri Toqe. Hiqi T – në vëji K – në.”
-Ke botuar dy artikuj, ?Qytetomania? dhe ?Azbesi në Vlorë?, – më tha Toqja. – Të dy janë komentuar në shtypin suedes. I pari befasues. Si është shkruar, por më shumë si është botuar?!?
Për të dytin të bombardojnë. “Si ka mundësi të shkruhet për azbesin që “mbjell” kancer?!” Komentet janë futur në “Buletinin e verdhë”. I lexojnë vetëm shokët e Byrosë Politike të Partisë…
Disa ditë më vonë më kërkoi urgjen në zyrë Vangjush Çerava. Në atë mot ishte Sekretar për Ekonominë. Dajak, mendova… U futa në zyrë. Para meje një burrë i gjatë. Tullac. I trashë. Më tha:
– Lexova ?Qytetomaninë?. Më pëlqeu. E di pse? Kur punoja në Korçë, Maliqi më pëlciste buzën. Furnizim. Ngrohje. Spitali… Por artikulli është jashtë realitetit… Kaq!… Dhe kujdes kur e ngjyen penën, shoku Mitro! Kur shkave te “ZP” – ja, partia ta dha një herë dorën. Gabove, por nuk të përjashtuam nga shtypi!.. Mos harro!
Në mars të vitit 1991 u zgjodha deputet. Punoja edhe në gazetën “RD”. Një ditë Gramoz Pashko solli në zyrën time dy gazetarë nga Suedia. Prezantimin e bëri Gramozi. Një nga suedezët tha:
– Unë kam bërë një koment për artikullin ?Qytetomania? qw ka shkruar zoti Mitro…