web counter
LEXO PA REKLAMA!

SHKARKO APP

E fundit!

x

"Rrëzohet" Veliaj/ Qytetarët fitojnë gjyqin kundër kryebashkiakut

19 Korrik 2018, 15:55, Aktualitet CNA

Gjykata Administrative ka vendosur sot në favor të banorëve të fshatit Pezë Helmes, të cilët paditën kryebashkiakun Veliaj.

Gjykata vendosi sot në favor të banorëve, që të pezullohet puna e fabrikës për prodhimin e asfaltobetonit, që shkaktonte një dëm të konsiderueshëm në zonën përrreth.

Banorët e fshatit Pezë Helmës pretendojnë se impianti i asfalto betonit, i ngritur pa leje mjedisore në mes të fshatit, mes shtëpiave dhe vetëm 200 m larg shkollës 8vjeçare, prodhon hidrokarbure aromatike kancerogjene.

Banorët shprehen të kënaqur me këtë vendim, ndërsa avokati Altin Goxhaj thotë se beteja ligjore do të vijojë deri ne bllokimin e plotë të punimeve të kësaj fabrike.

Rreth 12 mijë banorë të kësaj zone kur ndizet kjo fabrikë, thonë se vendi mbushet me tym dhe me erë të keqe. Fabrika nuk ka Lejen Mjedisore, por ka prova filmike që nga oxhaku del tym.

??Leja e Bashkisë është për të prodhuar beton dhe jo asfalt?, u shprehën banorët në dalje të Gjykatës.





Lajmet e fundit nga