I rehatuar nga politika familjarisht?/ Zbulohet një prokuror që bën dhurata

17 Korrik 2018, 17:54, Aktualitet CNA

Procesi i Vetingut ka zbarkuar edhe në Prokurorinë e Tiranës. Prioritet kanë kandidatët që synojnë një vend në Këshillin e Lartë Prokurorial.

Një ndër ta është edhe prokuroria Arben Nela. Një ndër çështjet që Nela ka hetuar do të rishikohet edhe nga anëtarët e Komisionit të Pavarur të Kualifikimit dhe përfaqësues të Operacionit Ndërkombëtar të Monitorimit, për të vlerësuar anën e tij profesionale.

Nesër, pra me datë 18 qershor 2018, ora 11, prokurori Arbe Nela pritet të dalë para Komisionit të Vettingut. Fati i tij profesional do të jetë në duart e trupës gjykuese që përbëhet nga Etleda Çiftja, Xhensila Pine dhe Valbona Sanxhaktari. Realisht fatin e tij professional e ka vetë në dorë Nelaj, por duke parë se çdarë po ndodh aktualisht dhe krimet që kanë kryer gjyqtarët dhe prokurorët duke i përvetësuar më tej me fshehje, nuk mund të përjashtohen suprizat.

CNA.al, sjell në vëmendje një nga rastet që ka trajtuar Prokurori Arben Nela. I njëjti ka qenë pjesë e grupit hetimor të vrasjes së bankierit Artan Santo, ndërsa u transferua në Tiranë, në kohën që akuza qendrore drejtohej nga Ina Rama.

Sipas deklarimit të pasurisë në vitin 2012, dhe të publikuara edhe më herët në media, rezulton se ka një depozitë bankare në emër të bashkëshortes së tij 860 mijë lekë, ndërsa ka pasur kursime 200 mijë lekë.

Në këtë vit ka pasur 2.3 milionë lekë të ardhura nga paga e tij dhe e bashkëshortes, ndërsa ka edhe një depozitë prej 1602 eurosh.

Sipas deklarimit të pasurisë, prokurori Nela ka marrë rreth 40 mijë euro hua në vitin 2012, të cilat duhet t?i shlyejë deri në vitin 2017.

Në vitin 2013, ka sërish të njëjtat të ardhura nga paga e tij dhe e bashkëshortes, ndërsa ka blerë një apartament me vlerë 52 mijë euro, nga të cilat 40 mijë euro i ka marrë borxh dhe 12 mijë euro i ka pasur kursime familjare. Rezulton se ka shlyer rreth 10 mijë euro të huas për një vit.

Në vitin 2017, Nela ka deklaruar pakësim pasurie. Seriozisht apo jo prokurorit në fjalë i është pakësuar pasuria, pasi i ka bërë një dhuratë babait.

Dhe jo dhuratë dosido, por një sipërfaqe të banesës prej 15.30 m2.

Ndërkaq bashkëshortja e tij është rehatuar në institucionin e Ministrisë së Transportit dhe Infrastrukturës. Prandaj kemi prokurorë dhe prokurore të pavarur, që shkëlqejnë në punën e tyre, pasi kanë reahatuar bashkëshortët përkatës në institucionet qeveritare.

Pasuria e deklaruar nga prokurori Arben Nela, me 23.03.2017

Pakësim pasurie: Sipërfaqja prej 15.30 m2 (ambient ndihmës i banesës) ndodhur në Lanabregas, Tiranë, i është dhuruar babait tim Nela, sipas kontratës së dhurimit atë 20.01.2016.

Të ardhura neto nga paga ime si subjekt deklarues. Prokuroria e Rrethit 1.456.304 leke

Të ardhura neto nga paga e bashkëshortes Brunilda Nela. Specialiste ne Ministrinë e Transportit dhe Infrastrukturës. Vlera 705.588 lekë.

Llogari rrjedhëse e pagës në vlerën 98.75 lekë.

Llogari rrjedhese e pages në vlerën 870.00 lekë.

Kursime nga paga ime dhe e bashkëshortit, në shumën 6000 euro, përdorur për të paguar një detyrim.

Huamarje në shumën 40.000 euro. Kontrata datë 21.08.2012, paguar 6 000 euro.