web counter
LEXO PA REKLAMA!

SHKARKO APP

App Store
Google Play

E fundit!

x

Foto-Bregdeti Durrës-Golem/ "Zhduken" plazhet publike

17 Qershor 2018, 15:25, Aktualitet CNA

Këtë sezon turistik veror do të ketë më pak, për të mos thënë fare, plazhe publike përgjatë vijës bregdetare të Durrësit, Golemit dhe Gjirit të Lalëzit.

Qytetarët, rezidentë në këto zona, apo qytetarët me mundësi të pakta ekonomike , nuk do të mund  qëndrojnë pa lekë në bregdet, pasi hapësirat bregdetare, me bekim të pushtetit vendor, janë ?uzurpuar? nga privati.
Bizneset private kanë marrë në administrim të gjithë vijën bregdetare dhe e kanë ndarë me parcela, duke vendosur çadra deri në breg të detit dhe njëherësh duke bllokuar vendet për plazhe publike.

CNA.al e sjell këtë problematikë nëpërmjet fotove, të bëra në plazhin e Golemit, ku vërehet se si është zënë plazhi, me vendosjen e çadrave, pa lejuar hapësirën më të vogël për plazhe publike.

Një situatë e tillë kritike nuk është vetëm në Golem,  por  e njëjta situatë situatë shtrihet edhe në bregdetin e Durrësit dhe  të Gjirit të  Lalëzit.

Të gjithë ata që kanë marrë  territor plazhi me qira për ta administruar  pastrojnë vetëm pjesën e tyre dhe e mbushin me çadra deri  në fillim të bregut, duke mos lejuar kështu asnjë centimetër hapësirë publike për qytetarët.

Bashkia e Durrësit ka nën administrim një vijë shumë të gjatë bregdetare, nga Shkëmbi i Kavajës deri në afërsi të Kepit të Rodonit, rreth 42 kilometra vijë Bregdetare, sipërfaqe e cila ka kaluar tërësisht nën administrimin e privatëve, duke bërë që të paguhet çdo centimetër rërë plazhi.

Kryebashkiaku Vangjush Dako mund t?u japë  hapësira privatëve për të shtuar buxhetin bashkiak, por nga tjetër duhen siguruar edhe plazhet publike  për qytetarët, të cilët nuk kanë mundësi të paguajnë tek privatët./CNA.al

 

 

 

 

 





Lajmet e fundit nga