web counter
LEXO PA REKLAMA!

SHKARKO APP

App Store
Google Play

E fundit!

x

Dikur aktor i Hollivudit 28-vjeçari shqiptar garon për guvernator në Kaliforni

9 Prill 2018, 10:07, Lifestyle CNA

Një 28-vjeçar me origjinë nga Shqipëria ka hyrë në garën për guvernator të Kalifornisë si kandidat demokrat. Klement Tinaj është shqiptari i cili dikur ka luajtur në disa filma të Hollivudit ndërsa është edhe pronar i disa bizneseve të vogla.

Në një intervistë VOA, Tinaj ka treguar se ka besim se do të dalë me sukses në këtë garë pasi mosha është thjesht një numër. Zgjedhjet brenda Partisë Demokrate mbahen më 5 qershor, ndërsa zgjedhjet për guvernatorin më 6 nëntor të këtij viti.

28-vjeçari ka thënë ndër të tjera:

Unë nuk pres ndihmë nga askush dhe e financoj vetë fushatën. Shumë njerëz vijnë këtu për të kontribuar për ëndrrën amerikane dhe unë jam një prej tyre. Në fakt ky është i vetmi vend në botë ku ëndrrat mund t?i bësh realitet. Mund të ëndërrosh ç?të duash dhe ta bësh atë realitet nëse ke guximin për ta ndjekur ëndrrën dhe për të ndjekur pasionin që ke. Unë kam qenë dikur në industrinë e filmit, kam edhe dy shkolla në Los Anxheles, që janë pronë e imja. Kam edhe disa biznese të vogla, jam pronar i festivalit të filmit United International, që është festivali i njëqindtë më i mirë i filmit në botë. Pra, kur i hyra garës për guvernator, pikërisht kjo më frymëzoi, sepse 50 për qind e banorëve të këtushëm punësohen nga bizneset e vogla. Duke qenë pronar biznesesh të vogla, unë e di mirë se sa të vështirë e kanë njerëzit dhe kush vuan më shumë, sidomos njerëzit me ngjyrë dhe komunitetet e varfra.”
Klementi ka treguar se ka marrë mjaft mbështetje edhe nga aktorë dhe muzikantë. Ai tregon se qëllimi i tij është të frymëzojë të rinjtë dhe shtresat punëtore e njerëzit që disi “janë harruar”.

Ai ka treguar:

Njerëzit duan ndryshim, ata kërkojnë gjak të ri. Ata kërkojnë dikë që është i ri dhe që ka një vizion krej të ri dhe ide të freskëta. Pikërisht kjo është ajo sjell unë në këtë garë. Nëse njeriu ka vizionin dhe enegjinë e duhur, mosha është thjesht një numër. Rëndësi ka të kesh një vizion dhe platformë të mirë, së cilës t?i përmbahesh dhe t?i besosh. Vërtet që jam kandidati më i ri në garën për guvernator dhe jam shqiptari i parë, por nuk është kjo që më kualifikon për këtë post.”/CNA





Lajmet e fundit nga