E fundit!

20:33 Aktualitet

FOTO-Dita e 27-të e protestës/ Pankarta "pikante" nga qytetarët

Mijëra qytetarë u grumbulluan këtë të premte që prej orës ...

Si ishte përgatitur atentati dhe pse u qëllua “i forti” i Shkodrës

14 Janar 2018, 09:36, Aktualitet CNA

Një sasi tritoli ka tronditur mëngjesin e ditës së djeshme qytetin e Shkodrës, ku sipas burimeve policore shenjestra e atentatit ishte një emër shumë i njohur për policinë.

Siç është bërë e ditur shenjestra e atentatit ishte shtetasi Lulzim Kullaj, vjeç 42.

Shqiptarja.com ka publikuar fotografinë e objektivit të atentatit me rreth 400 gr eksploziv.

Lulzim Kullaj njihet si ?i forti? i Shkodrës dhe është emër i njohur për uniformat blu, për shkak të së kaluarës së tij kriminale. Lënda eksplozive u vendos në një motor të parkuar në hyrje të një objekti 2-katësh në pronësi të Kullës dhe është shpërthyer me telekomandë, teksa objektivi po largohej me automjet.

Kullaj ka mbetur i plagosur rëndë, ndërsa kanë marrë lëndime dhe 7 persona të tjerë, që kanë qenë kalimtarë të rastësishëm në vendin e shpërthimit, ku një prej tyre, i identifikuar si D.M., 32 vjeç, në gjendje të rëndë, ndërsa gjashtë të tjerët jashtë rrezikut për jetën. Ky i fundit së bashku me objektin e atentatit kanë marrë plagë të rënda dhe për pasojë janë nisur drejt Tiranës për mjekim më të specializuar.

E shkuara e Kullaj-t lidhet me disa akte kriminale ku midis tyre vrasje dhe trafikimi lënde narkotike

Në qershor të vitit të kaluar, Kulla është arrestuar nga policia për kultivim kanabisi në zonën e Dukagjinit, në Shkodër. Pasi është mbajtur në në burg për gjashtë muaj është liruar.

Nga të dhënat e Report Tv mësohet se pas vitit 1997 Kulla u kthye në makthin e tregtarëve dhe biznesmenëve në lagjen “Rus” të qytetit të Shkodrës.

Në objektin ku iu vendos tritoli, Lul Kulla ka në pronësi një lokal si dhe disa ambiente të dhëna me qira.

Nga atentati me tritol janë plagosur 8 persona, mes tyre kulla I cili ndodhet në gjendje të rëndë shëndetësore.

Emrat e të plagosurve:

Lulzim Kullaj – 42 vjeç

Arjola Gjonaj – 31 vjeçe

Pjetër Arra 53 – vjeç

Gentian Suça – 40 vjeç

Ditmir Myftia – 32 vjeç

Pjeter Daka – 60 vjeç

Gardosileviç Roikq – 50 vjeçe

Ndërkohë policia është duke vijuar hetimet për zbardhjen e plotë të shkaqeve të ngjarjes. /CityNews