web counter
LEXO PA REKLAMA!

SHKARKO APP

App Store
Google Play

Ja, sa para merr vjehrri i Lulzim Bashës

13 Janar 2018, 10:32, Aktualitet CNA

Xhaferr Isufi, vjehrri i kryetarit të Partisë Demokratike, Lulzim Basha është përfituesi kryesor i parave të kompleksit të shembur në Vlorë, para pesë vitesh.

Sipas një vendimi të Gjykatës së Strasburgut, pagesa që ish-ndërtuesit dhe pronarët e apartamenteve që u shkatërrua në vitin 2013 në Vlorë është 16 milionë e 800 mijë euro.

Është  Xhaferr Isufi, që merr  rreth 70 përqind të këtyre parave dhe nuk  është e vërtetë se paratë i marrin banorët.

Me një përllogaritje të thjeshtë të çmimit të apartamenteve dhe ambjeteve që Isufi ka pasur në pronësi, në pallatin që është shembur rezulton se ai përfiton 9.8 milionë euro.

Isufi rezulton pronar i 35 apartamenteve dhe ambienteve, për të cilat ai përfiton 6.2 milionë euro.

Duke llogaritur edhe kompesimin deri në gjysmën e vlerës prej 7.2 milionë euro për 25 prona që i ka në bashkëpronësi me një tjetër shtetas, në total Xhaferr Isufi përfiton rreth 9.8 milionë euro.

Ndryshe nëse i referohemi kursit zyrtar të këmbimit të Euros përkundrejt monedhës vendase Lek, i cili është 133.51 dhe përfitimit prej 9.8 milionë euro, rezulton se  Xhaferr Isufi merr 1.308.398.000 lekë (një miliardë 308 milionë e 398 mijë lekë).

 

Për pallatin me leje të rregullt por  me histori të dyshimtë të ndërtuar nga vjehrri i Lulzim Bashës, INUK, në fillimet e ndërtimit kishte  identifikuar dy elementë të rëndësishëm.

Së  pari, pronësia ishte tepër e dyshimtë, pasi një pjesë e asaj që ishte hipotekuar si pronë-tokë në fakt binte në det, ishte pjesë e detit.  Ndërsa elementi i dytë kishte të bënte me faktin që në planin urbanistik të Vlorës për atë zonë, ky ishte një vend ku nuk lejohej ndërtimi, apo betonizimi./CityNews





Lajmet e fundit nga