E fundit!

11:47 Aktualitet

Video/ Bllokohet lëvizja në sheshin "Skënderbej", qytetarët të revoltuar, debatojnë me efektivët

Ditën e sotme në sheshin “Skënderbej” është zhvilluar fest...

105 vjetori i policisë/ Basha: Sot krimi është në qeveri dhe polici

13 Janar 2018, 09:45, Aktualitet CNA

Në 105-vjetorin e krijimit të Policisë së Shtetit, kryetari i PD-së, Lulzim Basha, ka vizituar familjen e policit të rënë në detyrë Artan Cukut.

Në një komunikatë për mediet, Basha i ka adresuar akuza qeverisë, duke pohuar se krimi ka pushtuar kokat drejtuese të politikës.

?Sot vrasësit janë në krye të shtetit. Dhjetra janë goditur në krye të detyrës sepse nuk dinin të bënin pas në luftën ndaj krimit. Policia sot është e pushtuar nga krimi dhe pastrimi i politikës do të sjellë dhe pastrimin e policisë. Unë ju bëj thirrje të bashkohemi në një aleancë vlerash dhe të shporrim drejtuesit e krimit?.

Komunikata e plotë:

Sot në këtë 105 vjetor të Policisë së Shtetit dua t?i drejtoj një mesazh çdo punonjësi të policisë në detyrë apo në lirim, i cili apo e cila ka punuar me integritet dhe ndershmëri duke iu përmbajtur betimit për mbrojtjen e Kushtetutës, ligjit, jetës dhe pasurisë së qytetarëve.

Me një falënderim të thellë nga zemra, për sakrificën, përkushtimin, trimërinë dhe kurajon me të cilën kanë përmbushur dhe përmbushin detyrat e tyre. E di se në këtë 105 vjetor Policia është në një moment tragjik e tradhtuar nga drejtuesit politikë. Ndodhet në një moment tragjik sepse, nëse më parë kriminelët merrnin arratinë dhe oficerët e policisë ishin në ballë të luftës, sot, kriminelët, janë në krye të kupolës drejtuese të Policisë, Ministrisë së Brendshme dhe institucioneve politike të vendit, dhe janë drejtuesit dhe punonjësit me integritet të policisë që kanë marrë arratinë apo janë ekzekutuar nga dora e krimit, siç janë rastet e njohura të drejtuesit të lartë të Policisë së Shtetit, Artan Cuku, dhjetëra punonjësve të tjerë të policisë të cilët janë goditur nga krimi për të vetmen arsye, sepse nuk dinin të ktheheshin pas në luftën kundër krimit. Siç janë rastet e Dritan Zaganit dhe kolegëve të tij, të cilët janë detyruar të marrin arratinë dhe të kërkojnë azil politik, pasi denoncuan lidhjet e pushtetit kriminal, lidhjet e Saimir Tahirit dhe shefit të tij politik me bandat më të rrezikshme të trafikut të drogës dhe të krimit. Shqipëria është në këtë gjendje, sepse Policia e Shtetit i është dorëzuar nga politika, nga pushteti i korruptuar i Edi Ramës, i Saimir Tahirit dhe drejtuesve të tjerë politikë të kësaj aleance me krimin, krimit dhe veprimtarisë kriminale.

Shqipëria është kthyer në një zonë të lirë të krimit, si pjesë e paktit kriminal, midis Edi Ramës dhe atyre që e ndihmuan të vijë në pushtet me vota të blera, vota të shitura. Ndaj shërbimi më i madh që mund të bëjmë ndaj burrave dhe grave të ndershëm në uniformë është të bashkohemi në një aleancë vlerash, për të shporrur aleancën e krimit në pushtet dhe për të rikthyer edhe një herë drejtësinë çliruar nga krimi, policinë e çliruar nga krimi e cila të mund të kryejë detyrat e saj të larta dhe fisnike. Në këtë 105 vjetor i uroj çdo burri dhe gruaje në uniformë, të gjëjë forcën, të përballet me këtë të vërtetë të dhimbshme dhe t?i bashkohet me shpirt kurajës qytetare që po ngrihet dhe do të ngrihet në aksionin qytetar dhe politikë për t?i dhënë fund aleancës së krimit në pushtet.

/CityNews