E fundit!

16:03 Aktualitet

Garat formale në Policinë e Shtetit

Ditën e sotme është publikuar renditja me kandidatët që pr...

PS-LSI, beteja finale 2018/ Rama urdhëron asgjesimin e partisë së Monës

30 Dhjetor 2017, 17:22, Aktualitet CNA

Pasi më parë orientoi strukturat përfaqësuese të partisë në qeverisje për të çliruar administratën zyrtare nga militantët dhe drejtuesit, përfaqësues të LSI-së në qeverisjen e koalicionit Rama 1, sakaq, ky i fundit ka urdhëruar aplikimin ndaj të mbeturve që nuk pranojnë të dorëhiqen, strategjinë e rekrutimit. Domethenë të thithjes së këtij kontigjenti kokëfortësh duke i bërë pjesë anëtarësore të PS-së, forcës politike të cilën e braktisën kur iu bashkëngjitën LSI-së.

Por, përveç tyre, një tjetër pikë e strategjisë së goditjes finale, e projektuar për tu zbatuar gjatë vitit 2018 është asgjesimi i kësaj force politike të cilën nën drejtimin e Monika Kryemadhit, kryesocialisti Edi Rama nuk e sheh më si pjesë të së majtës, por si “një këpucë që vishet sipas stinës”.

“Më vjen keq që LSI nuk hyri në filozofinë e të majtës, por preferoi të mbajë dyqanin e hapur dhe tani gjuan me këpucë”, ka qenë artikulimi i Edi Ramës në intervistën e fundit dhenë për Top Story, ndërkohë që dy ditë më parë gazeta “Sot” raportonte se letra ankuese e votës kundër në OKB, që presidenti Meta i nisi Trumpit, por edhe sulmet e Monika Kryemadhit ndaj qeverisë “…kanë vënë në lëvizje të gjithë socialistët”.

Ditët e fundit, kryeministri Edi Rama, nëpërmjet ministrave dhe deputetëve, i ka shpërndarë një urdhër bazës socialiste ku ka kërkuar që LSI të goditet në të gjitha aspektet”, vijonte raportimi i “Sot”, që duke përmendur se dispononte urdhërin Rama, ndër të tjera citonte:

“Kreu i ekzekutivit ka qenë i prerë, duke deklaruar se gjatë vitit 2018 partia e Ilir Metës duhet të shkrihet totalisht”.

Nën këtë projeksion nëpërmjet urdhërit, kryesocialisti Rama u ka kërkuar strukturave të partisë që drejton të nisin kontaktet me të gjithë militantët dhe antarësinë e LSI, me qëllim bindjen dhe rekrutimin, rikthimin e tyre përfundimisht në Partinë Socialiste. Rikthimin me çdo çmim !

Në këtë kërkesë Rama ka qenë i prerë me vartësit e tij, duke i udhëzuar madje që të jenë në kontakte të vazhdueshme më arradhën e LSI-stëve, për t’i bindur që të braktisin partinnë e Meta Kryemadhit. Objektiv që ata duhet ta arrijnë edhe duke i joshur me moslargim nga puna, apo edhe duke i trajtuar me privilegje të tjera.

Përveç konfliktit me lidershipin familjar të LSI-së urdhëri i Ramës për shkatërrimin brenda vitit 2018 të partisë së drejtuar aktualisht nga Monika ka si qëllim edhe shkuarjen e kësaj partie në zgjedhjet lokale të vitit 2019 si një ushtri e shpartalluar. Me elektorat LSI-st të firuar e që ti bashkëngjitet detashmenteve socialiste./CityNews