web counter
LEXO PA REKLAMA!

SHKARKO APP

App Store
Google Play

E fundit!

x

Reforma në administratën publike/ Objektivat dhe prioritetet

9 Shtator 2017, 08:27, Aktualitet CNA

Me krijimin e qeverisë së re, ditën e mërkurë, menjëherë do të fillojë puna për të vënë në zbatim projektin e prezantuar në Asamblenë e PS nga kryeministri Edi Rama, lidhur me reformën e thellë që do ti nënshtrohet administrata publike, por edhe shërbimi civil.

Duke sjellë përmbajtjen e një dokumenti të hartuar nga Departamenti i Bashkimit Evropian dhe Departamenti i Administratës Publike, ku flitet për arritjet deri më tani të reformës dhe synimet për muajt në vijim, ?Sotnews? raporton se: reforma do jetë rrënjësore në të gjitha nivelet.

Një ndër prioritetet e saj është eliminimi i mbivendosjeve. Kjo pasi shumë drejtori e agjenci kanë përplasje dhe mbivendosje kompetencash. Një tjetër objektiv është edhe rishikimi i funksioneve, rolit dhe organizimi strukturor. Në këtë pikëpamje shumë drejtues dhe funksionarë do kenë rrudhje apo rritje të kompetencave, në varësi të funksioneve.

Një tjetër objektiv është edhe bashkimi i disa drejtorive e dikastereve, si krijimi i institucioneve të reja. Referuar deklaratave të bëra në Asamblenë e socialistëve, do jenë 37 agjenci që do të shkrihen, ndërkohë që do krijohen disa drejtori të reja.

Por, përveç organizmit strukturor, reforma do zbresë dhe tek punonjësit, dosjet personale të të cilëve do ti nënshtrohen kontrollit striktë. Në qendër të tij do të jetë verifikimi i aftësive, karriera dhe mënyrën se si ata janë punësuar.

Një tjetër objektiv i Qeverisë Rama 2 është edhe krijimi i regjistrit online, ku të dhënat për të gjithë punonjësit e administratës do të hidhen aty. Objektiva të tjera janë: Rritja e kapaciteteve të anëtarëve të komiteteve të Përhershme të Pranimit; përmirësimi i cilësisë së pyetjeve dhe përmirësimi i intervistës./ CityNews





Lajmet e fundit nga