web counter
LEXO PA REKLAMA!

SHKARKO APP

App Store
Google Play

E fundit!

x

"Shpërthen" Astrit Patozi/Ruçi kryetar Kuvendi apo Topalli armike, kush është më e rëndë për antikomunistët?!

7 Shtator 2017, 14:51, Aktualitet CNA

Ish-nënkryetari dhe ish-deputeti i Partisë Demokratike, Astrit Patozi, iu është drejtuar me një pyetje të thjeshtë të gjithë atyre, që ai i konsideron si antikomunistët e vitit 2017.

Në rrjetet sociale, Patozi shkruan se ka një pyetje për antikomunistët e tërbuar, që thuhet se mezi po presin datën 9 shtator për të shprehur dhe shpalosur revoltën e tyre.

Ai i pyet antikomunistët se kush është më e rëndë për ta, fakti që Gramoz Ruçi do të bëhet kryetar i Kuvendit të Shqipërisë apo që Jozefina Topalli të shpallet armike e popullit?

Reagimi i plotë:

NJË PYETJE TË THJESHTË PËR ANTIKOMUNISTËT E 2017-ËS
Një pyetje e thjeshtë kam për të gjithë antikomunistët e tërbuar, që thuhet se mezi po presin datën 9 shtator për të shprehur dhe shpalosur revoltën e tyre: Kush është më e rëndë për ju, fakti që Gramoz Ruçi, me propozim të drejtpërdrejtë të Edi Ramës, nga deputet i përjetshëm i së majtës, që nga viti 1991, dhe së paku në 8 vjetët e fundit kryetar i grupit parlamentar te Partisë Socialiste, do të bëhet kryetar i Kuvendit të Shqipërisë?
Apo që Jozefina Topalli, me propozim të kryetarit të ngrirë (shkrirë) të Partisë Demokratike, nga deputete e përjetshme e së djathtës, që nga 1996-a e këtej (8 vjet prej tyre kryetare parlamenti), të shpallet armike e popullit, spiune e Sigurimit të Shtetit, e korruptuar, etj… etj…, se nuk dua t’i përmend të gjitha çfarë janë thënë e shkruar për të, në mungesë dhe me porosi të fitimtarit plebishitar të 22 korrikut?/CityNews





Lajmet e fundit nga