E quajti Veliajn kërmë, por tani hesht/ Kush i’a mbylli gojën Lulzim Bashës?

7 Shtator 2017, 13:41, Aktualitet CNA

Që prej 28 korrikut kreu i Partisë Demokratike, Lulzim Basha nuk ka bërë asnjë reagim opozitar ndaj Bashkisë së Tiranës dhe kreut të saj Erion Veliaj.

I vetmi reagim i fortë i Bashës që mbahet mend është ky status:

?Erion Veliaj, kerme njeriu qe shpif me te njejten lehtesi qe shkel mbi gjakun e femijeve ne Sharre, qe korrupton prokurore e gjyqtare, do te te vije dita shume shpejt??, shkruante Basha 3 muaj më parë.

Por çuditërisht që atëherë ai nuk ka folur thuajse fare për Veliajn dhe shpurën e tij.

Pse hesht Basha për kreun e kësaj bashkie, i cili gjatë gjithë kësaj kohe ka qenë i fokusuar të reklamojë punëra fasadë sesa të punojë?

Edhe ato punë që janë realizuar nga kjo Bashki janë nisur ose në kohën e Berishës ose në atë të Ramës.

Zgjatimi i bulevardit të Tiranës ka nisur që në kohën e Berishës, Sheshi Skënderbej ka qenë gjithashtu projekt i Edi Ramës.

Të vetmet investime, nëse mund të quhen të tilla janë disa kënde lojërash me dërrasa të kalbura që më tepër shërbejnë si fasadë sesa si investimeve konkrete.

Veliaj flet për rikonstruksione shkollash, por ajo që dihet është se bashkia thjesht mbytet në borxhe.

Dhe Lulzim Basha nuk flet.

Partia Demokratike e ka lënë Erion Veliajn si simbol të punës dhe as që e ngacmon aspak.

Gjithçka ka ngelur te reagimet dhe përplasjet që vijnë nga këshilltarët e djathtë në Këshillin Bashkiak, të cilat përherë mbeten në kuadrin e disa reagimeve nga rrjetet sociale.

Kush pra ia ka mbyllur gojën Lulzim Bashës?

Ndoshta shukët me lek?

Ku shkoi klientela e oligarkëve?

Mos kjo klientelë ka ruajtur kullat e miratuara në kohën e Bashës duke i shtuar ca kate tashmë duke çuar shuke me lekë për t?i mbyllur gojën Bashës?

Qytetarët duan zërin e opozitës dhe me argumente.

Kujtojmë që u harrua mungesa e ujit, taksat e larta të Bashkisë, kaosi i shkaktuar në trafik me sheshin Skënderbej, dyfishimi i rritjes së shërbimit urban dhe nuk ka asnjë përmirësim shërbimi.

Më shumë tymnajë dhe propagandë për asnjë fakt dhe veprim konkret në shërbim të qytetarëve.

Kryebashkiaku akuzohet për një vrasje dhe mbyllje të çështjeve në sistemin e drejtësisë, por sërish PD-ja hesht.

As për dosjen e Ardit Gjoklajt.

Ne dorën në zjarr nuk e vendosim, por fakti është fakt.

/Citynews