E fundit!

13:04 Aktualitet

Rikonstruktimi i Urgjencës në Lushnjë/ Korreshi: Dyshemeja si letër duhani, hekurat si fije shkrepëse

Deputeti i PD-së, Saimir Korreshi, ka denoncuar sërish pro...

Sekuestrohen 123 kg kanabis/ Arrestohet një person (Video)

7 Shtator 2017, 07:03, Aktualitet CNA

Rreth 123 kg kanabis janë sekuestruar mëngjesin e sotëm në qytetin e Tepelenës, e ndërsa është arrestuar një person.

Mësohet se në pranga ka rënë Seit Bejko 58 vjeç si dhe është proceduar në gjendje të lirë një 83- vjeçar.

Policia njofton se droga është sekuestruar gjatë dy operacioneve të ndryshme.

Mbi Bejkon rëndon akuza e ?Trafikimit të lëndëve narkotike?.

Njoftimi i plotë

Goditen dy raste të Prodhimit dhe shitjes së lëndëve narkotike. Finalizohet me sukses operacioni antidrogë i koduar “VJOSA”.

Sekuestrohen gjithsej 123 kg lëndë e dyshuar narkotike Cannabis Sattiva. Arrestohet në flagrancë një shtetas, si dhe procedohet në gjendje të lirë një shtetas tjetër.

Në vijim të Planit Operacional të ardhur nga Drejtoria e Përgjithshme e Policisë së Shtetit për evidentimin dhe goditjen e vendmagazinimit të lëndëve narkotike, si dhe për kapjen dhe arrestimin e personave që kryejnë këtë veprimtari kriminale, si dhe mbi bazën e informacioneve të marra në rrugë operative se shtetasi S.B. dispononte lëndë narkotike në banesën e tij në fshatin Dukaj, Tepelenë, nga seksioni për Hetimin e narkotikëve në D.V.P Gjirokastër dhe nga shërbimet e Komisariatit të Policisë Tepelenë u zhvillua operacioni “VJOSA”.

Si rezultat i operacionit, nga kontrolli i ushtruar në këtë banesë u gjetën disa thasë, brenda të cilëve kishte lëndë narkotike Cannabis Sattiva.

Pesha totale e lëndës narkotike rezultoi 66 kg. Lënda narkotike u sekuestrua në cilësinë e provës materiale. Nga specialistët e seksionit të Hetimit të Narkotikëve u arrestua në flagrancë shtetasi : S.B, 58 vjeç, banues në fshatin Dukaj, Tepelenë.
———————————-
Gjithashtu filloi procedimi penal në gjendje të lirë (për shkak të moshës) për shtetasin : Z.B, 83 vjeç, banues në fshatin Gusmar, Tepelenë, pasi:

Në një banesë të këtij shtetasi në fshatin Gusmar (në të cilën nuk banonte aktualisht), nga shërbimet e policisë u gjetën disa thasë me lëndë të dyshuar narkotike.

Pesha totale e lëndës ishte 57 kg, e cila u sekuestrua në cilësinë e provës materiale./CityNews