E fundit!

09:53 Aktualitet

FOTO+VIDEO/ Pas reagimeve të Ramës dhe Kumbaros, qytetari ngre shqetësime për gjendjen në Bënjë

Pas reagimeve të kryeministrit Edi Rama dhe drejtueses pol...

Këshilla/ Si të silleni me fëmijët kur i kërkojnë gjërat me të qarë

7 Shtator 2017, 17:01, Aktualitet CNA

Në një postim në rrjetet sociale psikologia e njohur për fëmijë, Lira Gjika ka dhënë këshillat se çfarë duhet të bëjmë kur fëmija i kërkon gjërat me të qarë.

E qara e fëmijës është një problem për të gjithë prindërit, dhe në mënyrë që të rrisim fëmijë të suksesshëm duhet të kemi kujdes në sjelljen me ta.

Lexoni më poshtë këshillat e psikologes se si të veproni në raste të tilla.

Postimi i plotë:

Prindër, kur dëgjoni fëmijën tuaj që qan, bërtet dhe insiston që t?i plotësoni kërkesën, mos u nënshtroni, sepse nuk do të zgjidhni gjë dhe ç?është më e keqja, do ta fiksoni edhe më shumë këtë sjellje të fëmijës tuaj.

Shkencëtarët e shpjegojnë këtë sjellje të fëmijëve si një tregues inteligjence. Fëmija përpiqet të imponohet për të realizuar dëshirat dhe kërkesat e veta.

Prindërit duhet ta marrin me qetësi dhe të mos plotësojnë kërkesën e fëmijës pse qan apo bërtet.

Duhet t?i japin të drejtë që mërzitet, por zgjidhja duhet të ndodhë pasi fëmija të pushojë të qarën apo të bërtiturën. Prindërit duhet t?i thonë: ?mbaro të qarën dhe më pas flasim për të gjetur zgjidhje.?

Kur fëmija pushon dhe kërkesa është e plotësueshme, plotësojani duke i thënë e shikon, gjërat zgjidhen me fjalë dhe jo me të qarë.

Prindër mos u turpëroni kur skenat ndodhin në rrugë, por ruani qetësinë dhe përsëritni shprehjen: ? mbaro të qarën, unë jam këtu me ty, nuk je vetëm, përpiqu ta qetësosh veten siç e bërë dje?.

Ose pasi pushon, përgëzojeni duke i thënë, se radhën e shkuar t?u desh më shumë kohë për të qetësuar veten dhe të pushojë së bërtituri.

E shikon që po e mëson edhe këtë mundësi që ke për të qetësuar vetë veten tënde. Tek e fundit i rrituri prandaj është pranë fëmijës që ta ndihmojë të arrijë vetëqetësimin ashtu siç e ka nxitur të ecë të flasë po ashtu po i mëson të vetëqetësohet.

Kështu i mëson fëmijës të mendojë, të zgjedhë e të gjejë forcat e veta për t?ia dalë.

Edhe një gjë të fundit, mos lejoni të huajt të ndërhyjnë në këtë proces ndërgjegjësimi dhe zhvillimi të fëmijës për veten, qofshin këta edhe gjyshërit. /CityNews