web counter
LEXO PA REKLAMA!

SHKARKO APP

App Store
Google Play

Vrasja e rëndë në Tiranë/ Zv.ministrja e drejtësisë: “Erdhi si pasojë e vendimit skandaloz të gjykatësve”

31 Gusht 2017, 21:17, Aktualitet CNA

Zv.Ministrja e Drejtësisë,Etilda Gjonaj, e cila shumë shpejt do të marrë detyrën e drejtueses së kësaj ministrie, ka reaguar publikisht ashpër ndaj vrasjes barbare me 2 plumba në kokë të gjykatëses Fildes Hafizi.

Gjonaj ua faturon fajin kolegëve të gjykatëses së ndjerë të cilët me vendimin që morën në vitin e kaluar i hapën rrugën këtij krimi.

Ajo e quan vendim skandaloz aktin e fundit të trupës së gjykatëseve, ndërsa nuk harron t?i shprehë ngushëllimet familjes së të ndjerës.

REAGIMI:

Ngjarja e sotshme ishte tragjike, jo vetëm për humbjen e një gruaje profesioniste të mirë, e nënë të përkushtuar, por edhe pasi sërish doli në pah sistemi i kalbur i drejtësisë që ka nevojë urgjente për reformën më të thellë të mundshme në drejtësi.

Autori i krimit makabër të sotshëm ishte ndaluar dy vite më parë nga policia. Krimi i sotshëm ishte shmangur para dy vitesh. Por ç?bëri sistemi gjyqësor? Për veprën penale të armëmbajtjes pa leje që parashikon dënimin deri në 7 vjet burgim dhe veprës penale të dhunës në familje deri në 5 vjet burg, gjyqtarët e dënuan autorin vetëm me 3 vjet burgim në total.

E më pas ai që sot i mori jetën, Fadil Kasemi, u amnistua. Një vendim skandaloz i gjyqtarëve në 2016, sot i mori jetën një kolegeje të tyre.

Ngjarja e sotshme ishte një goditje e rëndë për të gjitha ne gratë me pozitë apo pa pozitë, dhe tregoi edhe njëherë për mosfunksionimin e sistemit të drejtësisë, që kërkon në mënyrë imediate pastrimin nga gjyqtarë dhe prokurorë që keqzbatojnë ligjin.

Duke ngushëlluar familjen e Fildeze Hafizi, i siguroj ata dhe mbarë opinionin publik për angazhimin maksimal të Qeverisë së re, në jetësimin sa më shpejt e me thellësinë e kërkuar të Reformës në Drejtësi. I bëj thirrje organit të akuzës për një hetim të gjithanshëm dhe sa më profesional të ngjarjes së rëndë!

U prehsh në paqe, mikja dhe kolegia jonë e dashur!

Ky mesazh jo vetëm si zv. Ministre e Drejtësisë, por edhe si grua dhe si nënë.

Etilda Gjonaj (Saliu)





Lajmet e fundit nga