web counter
LEXO PA REKLAMA!

SHKARKO APP

App Store
Google Play

E fundit!

x

Humbi të shoqen pak ditë më parë / Babai i Alban Skënderaj na përlot të gjithëve me mesazhin e ndjerë

16 Korrik 2017, 13:47, Lifestyle CNA

Pak ditë më parë nëna e këngëtarit Alban Skënderaj u nda nga jeta, pas një sëmundje të rëndë nga e cila vuante prej disa kohësh.

Ajo jetonte në Itali, ku dhe po kurohej për sëmundjen por nuk ia doli pavarësisht mjekimeve të marra.

Babai i këngëtarit, shkrimtari i njohur Qerim Skënderaj, ka shprehur me anë të disa vargjeve mjaft prekëse dhe plot emocion, dhimbjen që po përjeton pas ndarjes nga jeta e së shoqes.

Ai duket se e ka shumë të vështirë ndarjen prej saj e ndër vargje shprehet se ende mban thellë në zemër kujtimet dhe jetën që ata kanë ndarë së bashku.

SI KE FJETUR?!…

E dhëmbshura ime, mirmëngjes.

Si ke fjetur, aty poshtë, pa mua?

Erdha prap sot, të përshëndes,

Dhe sërish të them se sa të dua.

Unë, këtu lartë, s?fjeta fare,

Preka, bashkë me ty, çdo kujtim.

Shpirtin ma pushtoi një brengë e madhe,

Lodhja jote?, vidë pambarim?

Tani shlodhu, e lodhura ime.

Prej këtej, ike punëmbaruar.

Bijtë e tu, vepra më sublime,

S?e harrojnë klloçkën e munduar.

Ja dhe pakë, e do të kenë rrethuar,

Duart plotë me lule gjithë shkëlqim.

Shpirti yt, me mall i ka bekuar,

Ndaj me lotë e shprehin dashurinë.

Po ti fli, prehu pa merak,

Lulet s?do t?i ndajmë asnjë ditë.

Tani sapo shtova një zambak,

Të rri hijshëm, si një luledritë…

Kur të zgjohesh, na vështro nga lartë,

Jemi të bashkuar si përherë,

Prandaj mbrona me krahët e artë,

Syri i lig, nuk derdh lotë, por vrer./CityNews





Lajmet e fundit nga