web counter
LEXO PA REKLAMA!

SHKARKO APP

App Store
Google Play

E fundit!

x

Shpërthen Ridvan Bode/Basha personalizoi PD dhe e çoi në rrudhje, duhet proces analize dhe bashkimi

6 Korrik 2017, 20:13, Aktualitet CNA

Ish-sekretari i Përgjithshëm i PD-së, Ridvan Bode dhe një nga senatorët më të rëndësishëm në këtë parti, ditën e sotme ka folur për herë të parë për humbjen e thellë që pësoi PD e drejtuar nga Lulzim Basha në 25 qershor.

Në një analizë të thelluar në ?AbcNews?, Ridvan Bode foli për situatën në të cilën ndodhet sot Partia Demokratike dhe për mënyrën se si Lulzim Basha ka drejtuar në katër vite këtë parti.

Bode e tha qartësisht se Lulzim Basha përpjekjen më të madhe e bëri që të konsolidonte pozitën e tij në krye të PD dhe jo ta çonte partinë drejt fitores.

?Jemi në një situatë dramatike sepse Basha me çdo kusht kërkonte që të fitonte PD për vete dhe jo zgjedhjet për demokratë dhe shqiptarët. Basha asnjëherë nuk kërkoi fitoren e partisë në zgjedhje por kapjen e saj. Ai është personi është personi më jetëgjatë në në pushtet në PD pas Sali Berishës edhe pse është shumë i ri në moshë dhe i ardhur shumë vonë në PD.

Arsyeja e atij rezultati vjen nga personalizimi që Basha i bëri PD duke i hequr logon dhe simbolet, pasi goditi elitën politike duke kërkuar që me fytyrën e tij ta ndante PD nga zgjedhjet dhe të dilte vetë personalisht. Por, kjo e çoi në një rezultat katastrofik. Kjo nisi në që në vitin 2013 kur iu vu fshesa një pjese të mirë të strukturave në bazë. Kryetarë degësh dhe njësish dhe komunash u cilësuan të gjithë fajtorë. Të gjitha këto e dobësuan PD-në. Ai donte të bëhej një kryetar i pakontestueshëm i PD, se sa të ngrinte një trupë kompatibile dhe ta çonte PD-në në një garë si të barabartë?, theksoi Bode.

Në vijim të intervistës, Bode foli edhe për humbjen e Partisë Demokratike, ndërsa se ndodh për herë të parë që një parti opozitare mori më pak vota se sa kur ishte në pushtet, ndërkohë që gjithmonë opozita pret të rritet.

Pavarësisht se Rama qeverisi shumë keq dhe kjo keqqeverisje duhej të shfrytëzohej, Bode tha se Basha nuk arriti ta bënte një gjë të tillë, pasi strukturat në bazë ishin të gjithë të ç?organizuar dhe kjo sipas Bodes është një nga arsyet kryesore pse Partisë Demokratike pësoi këtë rënie.

Përsa i përket listës së Lulzim Bashës, e cila ashtu siç edhe pritej u konfirmua si dështim, Bode tha se Basha të gjithë humbësit e PD ndër vite i mori dhe i riktheu si intelektualë.

?Basha donte ta bëntë partinë e tij. Ky nuk ishte një hap para, por dy hapa mbrapa. Një parti që zvogëlohet në dy beteja elektorale nuk mund të bëjë kapërcimin e madh. Rruga drejt fitores nuk mund të kalojë në këto dështime kaq të mëdha. Heqja e simboleve, largimi i figurave tradicianale. Basha nuk kërkoi mbështetje, unë kam qenë 17 vjet Sekretar i Përgjithshëm i PD. Asnjë nga ne nuk u thirr. Personat që më parë i kanë sjellë humbjes Partisë Demokratike, ai i solli si intelektuale dhe përfaqësuesit më të mirë të Partisë Demokratike?

Për kritikët ndaj tij apo grupit kundër Basha, Bode dhe edhe një mesazh të qartë, teksa sqaroi se ai apo kolegët e tij të përjashtuar nuk janë thirrur kurrë nga Basha dhe nuk u është dhënë asnjë detyrë në fushatë.

?Kam dëgjuar që tani na akuzojnë se nuk bëmë fushatë aq sa duhej, por neve nuk u thirrëm dhe nuk na u dha asnjë detyrë në fushatë. Më erdhi keq që nuk isha në listë, por më keq më erdhi për mënyrën se si ndodhi?, përfundoi Bode./CityNews





Lajmet e fundit nga