web counter
LEXO PA REKLAMA!

SHKARKO APP

App Store
Google Play

E fundit!

x

A do japë dorëheqjen nëse nuk fiton mandatin e deputetit?/Ja si përgjigjet ish-aleati i Ramës

1 Korrik 2017, 17:51, Aktualitet CNA

Kreu i PDIU, Shpëtim Idrizi, tha se e ka të sigurt mandatin në Tiranë, edhe pse ende nuk është certifikuar zyrtarisht rezultati. Në emisionin ?Kjo Javë? me gazetaren Nisida Tufa në ?News24?, Idrizi tha se po pret qëndrimin e KQZ për të shprehur më pas edhe qëndrimin e tij politik, për zgjedhjet e 25 qershorit.

I pyetur nëse do të japë dorëheqjen në rast se nuk fiton mandatin e deputetit, ashtu si veproi Petrit Vasili dhe Gjergj Bojaxhi, Idrizi tha se:

?Në rastin tim është pak më ndryshe. Në kuptimin e rezultatit nga 45 mijë vota deri në 80 mijë vota, është rritje. Në kuptimin e mandateve ne përpiqemi të ruajmë 4 mandate. Pas certifikimit të rezultatit, padyshim që duhet bërë një reflektim dhe analizë. Por mund të them se kemi bërë një punë të shkëlqyer. Por sistemi na penalizon. Nuk mund t?i hedhim kot votat e 40 mijë shqiptarëve?, tha Idrizi.

Ai shtoi se rezultatet e arritura nga PDIU në këto zgjedhje janë pozitive.

?Kemi punuar shumë që PDIU të jetë një parti e hapur. Nga pikëpamja e numrave kjo strategji na dha të drejtë. Numrat flasin për një rritje të lartë?, tha ai.

I pyetur për shqetësimet mbi rastet e shitblerjes së votës, Idrizi tha se ?ne kemi qenë në terren, dhe presione ka patur. Ne po presim certifikimin e rezultateve për PDIU, dhe pastaj do paraqesim zyrtarisht qëndrimet tona?, deklaroi Idrizi.





Lajmet e fundit nga